تهران نيول شوي امريکايي ماڼو گان پرېښودل

Image caption ايران وايي له بخښنې وروسته يې دا امريکايي ماڼوگان پرېښې دي

ايران هغه ١٠ امريکايي ماڼو گان پرېښي چې پرون يې نيولي وو.

د ايران دولتي تلويزون وايي ددې کسانو بېړۍ خليج کې د ايران سمندري اوبو ته ننوتې وې.

امريکا وايي چې د سه شنبې په ورځ د روزنې پر مهال د هغوي د بيړۍ له خرابېدو وروسته دا کسان نيول شوي وو.

د ايران د حکومت يوې اعلامېې کې راغلي دي چې " دا کسان له هغې وروسته چې بخښنه يې وغښتله پرېښودل شول.

يو امريکايي چارواکي د رايټرز خبري اژانس سره خبرو کې ددې ماڼو گانو پرېښودل تايد کړي دي.

د ايران دولتي خبري رسنېو د انقلابي گارد ديوې وينا له مخې ويلي دي " چې دا امريکايي ماڼو گان په غير ارادي ډول د ايران اوبو ته ننوتي وو".

دا پېښه په يوه حساس وخت چې ايران هڅه کوي ددې اتومي پروگرام په اړه لويديځ سره شوې موافقه عملي کړي رامنځ ته شوې ده.