بریتانیايي زندانونو کې د مودودي، حسن البنا او سید قطب کتابونه

د راپور څارونکو عدلیې وزارت د یادو کتابونو لیرې کولو ته هڅولی
Image caption د راپور څارونکو عدلیې وزارت د یادو کتابونو لیرې کولو ته هڅولی

بي بي سي ته ویل شوي، چې د بریتانیا انګلستان او وېلز زندانونو په ځینو کتابتونونو کې د ''سخت دریځو'' پنځه کتابونه لاهم شته. اوه میاشتې وړاندې د دا ډول کتابونو د چاڼ کولو لړۍ پیل شوې وه.

د یوه راپور له مخې، په عربي نړۍ کې دا ډول کتابونو د ''سخت دریځۍ'' د افکارو په خپرولو کې رغنده او مهم رول لوبولی دی.

د سخت دریځۍ مسلو کې کارپوه ډاکټر چیتن بټ وايي، د زندانونو کتابتونونو کې د دا ډول کتابونو موجودیت د ''اندېښنې وړ'' خبره ده.

د بریتانیا حکومت ویلي، دغه کتابونه په زندانونو کې د سخت دریځۍ ارزولو پرمهال د ''اچېسون'' له خوا وموندل شول.

د انځور حقوق creative commons
Image caption سید قطب د اسلامي مفکورې سرلاری و، چې په ۱۹۵۰ او ۱۹۶۰ لسیزو کې یې د مصر اخوان المسلمین ګوند مشري کوله.

بي بي سي ته ویل شوي، په زندانونو کې د سخت دریځۍ په تړاو د کتابونو راغونډولو کمپاین پیل شوی او د عدلیې وزارت د ۲۰۱۵ کال نومبر میاشت کې د دا شان کتابونو د شتون خبر ورکړی و.

د یادو کتابونو یو یا ډېر ټوکه د څارونکو له خوا ۱۱ زندانونو په ۹ عبادتخونو کې موندل شوي.

اچېسون خپل راپور د ۲۰۱۶ مارچ میاشت کې وسپاره، خو څو ځلې د راپور خپرېدل وځنډول شول.

بي بي سي ته ویل شوي، له زندانونو څخه د دا ډول کتابونو د لیرې کولو امر ایله د جون له ۲۰ مې وروسته وشو.

د انځور حقوق AFP
Image caption حسن البنا په مصر کې د اخوان المسلمین ګوند بنسټګر و

اچېسون د ۲۰۱۶ د جولای پر ۱۳ مه د پارلمان یوې جرګه ګۍ ته په وینا کې وویل ''د زندانونو عبادتخونو کې یې د سخت دریځۍ ورته ګڼ کتابونه وموندل''.

ده وویل، دغه کتابونه چې ''توکمپالنې او کرکې ته د بلنې معلومات پکې دي، پرته له دې چې څارنه ورباندې وشي، په زندانونو کې ډېری بندیانو ورته لاسرسی درلود''.

اچېسون خپله حیرانتیا هم ښودلې، چې د عدلیې وزارت د زندانونو له کتابتونونو څخه د دغه شان کتابونو په لیرې کولو ډېر وخت ایستلی دی.

'اسانه لاسرسی'

اچېسون زیاتوي: ''په نومبر میاشت کې مې عدلیې وزارت ته په ډاګه وویل چې زه په عاجل ډول ددغه ډول کتابونو د لیرې کولو اړتیا وینم''.

دی وايي ''دغو کتابونو ته د بندیانو اسانه لاسرسی – چې پر هغوی په اسانۍ اغېز کوي- یو امنیتي خطر ګڼل کېږي''.

په دې کتابونو کې د اخوان المسلمین ګوند د بنسټګر حسن البنا (د جهاد لار)، د سید قطب (لار او نښې)، د شیخ یوسف القرضاي (اسلام کې حلال او حرام)، د ابو الاعلی مودودي (د اسلام د پوهاوي په لوري) او د بلال فیلیپس (د توحید اساسات) کتابونه دي.

د انځور حقوق AFP
Image caption په دې کتابونو کې د اخوان المسلمین ګوند د بنسټګر حسن البنا (د جهاد لار)، د سید قطب (لار او نښې)، د شیخ یوسف القرضاي (اسلام کې حلال او حرام)، د ابو الاعلی مودودي (د اسلام د پوهاوي په لوري) او د بلال فیلیپس (د توحید اساسات) کت

بي بي سي ته ویل شوي، د شیخ یوسف القرضاوي، سید ابو الاعلی مودودي او بلال فیلیپس له خوا په دې کتابونو کې لیکل شوي متنونه د بریتانیايي ټولنې له ارزښتونو سره په ټکر کې دي.

خو د حسن البنا او سید قطب کتابونه په عربي نړۍ کې د سخت دریځو د الهام سرچینه ګڼل شوې ده.

په ۲۰۱۵ کال له دغو کتابونو پر درو یې سعودي عربستان کې بندیز ولګول شو.

حسن البنا په مصر کې د اخوان المسلمین ګوند بنسټګر و او سید قطب د اسلامي مفکورې سرلاری و، چې په ۱۹۵۰ او ۱۹۶۰ لسیزو کې یې د مصر اخوان المسلمین ګوند مشري کوله.

ورته مطالب