د خنځير د سر په مټ د مسلمانو کډوالو د مخنیوي غوښتنه

دا مهال د هنګري پر سوېلي پوله اغزن تارونه لګول شوي او شاوخوا یې امنیتي ګزمې هم کېږي. د انځور حقوق
Image caption دا مهال د هنګري پر سوېلي پوله اغزن تارونه لګول شوي او شاوخوا یې امنیتي ګزمې هم کېږي.

د اروپايي پارلمان د هنګري یوه غړي د کډوالو د مخنیوي لپاره د خنځیر د سر کارولو غوښتنه کړې ده.

د فیډز واکمن ګوند غړي ګیورګي چوپفلین غوښتنه وروسته تر هغه رامخې ته شوې، چې د هنګري پر سوېلي پوله د ځینو سبزیو انځورونه د خنځير د سرونو په شکل جوړ او ځای پرځای شوي وو.

چوپفلین وايي "د انسان سر حرام دی... د خنځیر سر لا ډېر فعالیت کوي".

هنګري خپلې خاورې د کډوالو پر ورتګ ډېر ټینګ دریځ لري.

د چوپفلین څرګندونې د بشري حقونو د څار ډلې د اروپايي رسنیو د مدیر اندري سټروهلاین د نیوکو په غبرګون کې شوې دي.

سټروهلاین پر چوپفلین تور لګولی و، چې ګني "بهرنیانو ته له دښمنۍ ډک سپکاوی" کوي او هغه یې د "هنګري، اروپا او بشریت لپاره شرم" بللی و.

د ټویټر کاروونکو سټروهلاین "بدغونی" بللی او په توکمپالنې یې تورن کړی.

پر mandiner.hu وېبپاڼې چوپفلین پخپلو څرګندونو کې لیکلي "دا یوه‎ فرضیه او ذهني ازموینه ده".

دی وايي "هېچا ته سپکاوی نه کوم، ګومان نه کوم په دې کې دې سپکاوی وي، چې ووایم د خنځیر سر حرام دی".

په اسلام کې د خنځیر غوښه خوړل حرام دي.

ځینې رپوټونه خپاره شوي، چې تېره اونۍ د لومړي ځل لپاره ځینې سبزۍ د خنځير د سر په بڼه توږل شوې وې.

د هنګري د محافظ لومړي وزیر ویکټور اوربان حکومت خپلې خاورې ته د کډوالو د ننوتلو په اړه سخت دریځ غوره کړی دی.

دا مهال د هنګري پر سوېلي پوله اغزن تارونه لګول شوي او شاوخوا یې امنیتي ګزمې هم کېږي.

د هنګري چارواکي وايي، تېر کال یې څه باندې د یو میلیون کډوالو د وراوښتو مخه نیولې ده، چې هدف یې اروپا ته د هغو ډېری مسلمانو کډوالو مخنیوی دی، چې له منځني ختیځه د جګړو له کبله کډوالۍ ته اړایستل شوي دي.

په تېره اکتوبر میاشت کې هنګري یوه نظرپوښتنه وکړه، چې ایا د کډوالو د الزامي بیا مېشتولو په تړاو د اروپايي ټولنې له تګلارې سره موافقه وکړي او که نه.

ورته مطالب