تخار کې اور ۲۰۰ پلورنځي سوځلي

حق نشر عکس UGC
Image caption اور د ګازو یوې ډبې چاودنې له کبله ولګېد

تخار کې ځايي چارواکي وايي د دغه ولایت مرکز تالقان کې د اور لګېدو له کبله نژدې ۲۰۰ دکانونه او دوه بازارونه سوځېدلي دی. اور د تالقانو ښار د لرګیو پلور بازار کې ولګېد او شاوخوا دکانونو ته خپور شو.

عیني شاهدان وايي، ځايي خلکو له چارواکو سره په اور وژنه کې مرسته وکړه.

حق نشر عکس UGC
Image caption یو شمېر ځايي اوسېدونکو ویلي د اور وژنې ځايي کارکوونکي و نه توانېدل په یوازې سر اور ووژني

د تخار ولایت ویاند سنت الله تیمور بي بي سي ته ویلي، لومړني معلومات ښيي، چې اور یوه حمام کې د ګازو ډبې چاودنې له کبله لګېدلی و. نوموړي ویلي:

اوسمهال معلومه نه ده، چې خلکو ته څومره مالي زیان اوښتی دی، خو له نیکه مرغه د سر زیان نه لرو. د تخار اطفایې و نه شوای کولای په یوازې سر اور ووژني، وروسته له کندوزه د اور وژنې کارکوونکي راغلل او په شریکه وتوانېدو د اور خپرېدو مخه ونیسو. دغو څلورو بازارانو کې نژدې ۲۰۰ دکانونه یا هغه خونې وې، چې خلک په کې اوسېدل.

حق نشر عکس UGC
Image caption اور لومړی د لرګیو پلور په یوه پلورنځي کې ولګېد

آتش‌سوزی در بازارهای بزرگ در افغانستان گاه‌ناگاه اتفاق می‌افتد و نبود تدابیر و مکانیسم‌های جلوگیری برای جلوگیری و کاهش اثرات آتش‌سوزی در موارد فاجعه می‌آفریند.

د افغانستان په بازارونو کې د احتیاطي تدبیرونو لږالي له کبله کله نا کله د اور لګېدلو پېښې کېږي، چې د درنو مالي زیانونو سبب کېږي. تېروو دوو کلونو کې د پلازمېنې کابل په شمول یو شمېر بازارونو کې اور لګېدلی، چې یو ځل یې له ۳۰۰ ډېرې هټۍ وسوځولې.

حق نشر عکس UGC
Image caption د افغانستان شمال ختیځ تالقان کې اور لګېدنه