වෛද්‍ය නිර්දේශ තොරව ඖෂධහල්වල ගංජා අලෙවියට උරුගුවේ සැරසෙයි

  • 2017 අප්‍රේල් 7
නිවෙස්වල ගංජා වගා කිරීමටද නව පියවරින් ඉඩ සලසාදී ඇත Image copyright Getty Images
Image caption නිවෙස්වල ගංජා වගා කිරීමටද නව පියවරින් ඉඩ සලසාදී ඇත

ලබන ජූලි මාසයේ සිට ඖෂධහල් වෙතින් ගංජා මිලදී ගැනීමේ ඉඩකඩ සැලසීමට උරුගුවේ රාජ්‍යය පියවර ගෙන ඇත.

මේ සමග වෛද්‍ය නිර්දේශයකින් තොරව ගංජා නිත්‍යානුකුලව අලෙවිකරන පළමු රට බවට උරුගුවේ පත්වනු ඇත.

2013 වසරේදී ගංජා වෙළෙඳාම නිත්‍යානුකුල කිරීමට පැනවුණු නීතියත් සමග මේ පියවර ඉදිරියට ගෙන යැවිණි.

එහෙත්, එය ක්‍රියාත්මක වීම මන්දගාමී විය.

නව නීතිය අනුව ගැනුම්කරුවන් ජාතික වශයෙන් ලියාපදිංචිවීම අවශ්‍ය වන බව උරුගුවේ ජනාධිපතිවරයාගේ සහායක හුවාන් අන්ද්‍රේස් රොබල්ලෝ පැවසීය. මේ අනුව ගංජා ග්‍රෑම් 1ක් ඩොලර් 1.30 ක් මිලකට අලෙවි කෙරෙනු ඇත.

ලියාපදිංචිවන්නන් උරුගුවේ පුරවැසියන් හෝ ස්ථිර නෙවාසිකයින් වීම අනිවාර්යවන අතර මසකට ග්‍රෑම් 40ක (අවුන්ස 1.4) උපරිම ගංජා ප්‍රමාණයක් මිලදී ගත හැකිය.

Image copyright Getty Images
Image caption ලියාපදිංචියට ඇතැම් උරුගුවේ ජාතිකයෝ විරෝධය පළකරති

මීට අමතරව නිවෙස්වල ගංජා වැවීමට හෝ ගංජා වගා කිරීමේ නියුතු සමූපකාර සමාජ හා සම්බන්ධාවීමේ හැකියාවද නීතිය මගින් සලසාලනු ලැබ ඇත.

කෙසේවෙතත්, මිල පාලනයකට යටත් කෙරෙන ගංජා අලෙවියෙන් ලැබිය හැකි මුල්‍යමය ප්‍රතිලාභ කෙරෙහි ඖෂධහල් හිමියෝ සැක පළකරති.

ගංජා වගාවට නෙදර්ලන්ත පාර්ලිමේන්තුවෙන් අනුමැතිය

ලොව වේගයෙන්ම වර්ධනය වන ආර්ථිකය 'ගංජා'

ගංජා මිශ්‍ර වේදනා නාශකයෙන් මොළයට හානි - BBC සිංහල

මේ අතර ජාතික වශයෙන් ලියාපදිංචිවීම හරහා සිය පුද්ගලිකත්වයට හානි පැමිණෙන බවට මැසිවිලි නගන ඇතැම් උරුගුවේ ගැනුම්කරුවන් මාසික මිලදී ගැනීමේ සීමාවකට යටත්වීමටද අකමැත්ත පළකර ඇත.

මේ වනවිට ඖෂධහල් 16ක් සමග උරුගුවේ ආණ්ඩුව ගනුදෙනුවට එළැඹ සිටින අතර එය තවත් ව්‍යාප්ත කිරීමට අපේක්ෂා කරයි.

ලියාපදිංචිය ඇරඹීමට පෙර මහජන සෞඛ්‍ය වැඩසටහනක් ක්‍රියාත්මක කෙරෙනු ඇති බවද ජනාධිපතිවරයාගේ සහයකයා පැවසීය.

මේ පුවතට සම්බන්ධ තවත් විස්තර

බීබීසී යෙන්