සංදේශය වැඩසටහන්

බීබීසී සිංහල සේවයේ සංදේශය විදෙස් පුවත්, ලාංකීය පුවත් සහ කාලීන ප්‍රවණතා දෙස යොමුවන ගුවන් විදුලි වැඩසටහනකි. දවසේ විදෙස් විත්ති සංග්‍රහයෙන් ආරම්භවන සංදේශය වැඩසටහන ඉන් අනතුරුව ශ්‍රී ලංකාවේ කාලීන පුවත් දෙසට යොමුවේ. ශ්‍රී ලංකාවේ අප වාර්තාකරුවන්ගෙන් ලැබෙන වාර්තා සහ දවසේ පුවත් මවන්නන් සමඟ සම්මුඛ සකච්චාවලින් අනතුරුව විදෙස් විත්ති විමසුම හා සතියේ විශේෂාංගය සඳහා වැඩසටහනේ අවසාන භාගය යොමුවේ.

ශ්‍රී ලංකාවේ සතර දිග් භාගයේ සිට අපේ වාර්තාකරුවන්ගෙන් ලැබෙන වාර්තාවලින් වැඩසටහනට ලැබෙන්නේ නොමඳ ආලෝකයකි. එමෙන්ම ලොවපුරා විවිධ රටවල වෙසෙන විදේශගත ශ්‍රී ලාංකික ප්‍රජාවද නිරන්තරයෙන් සිය අදහස් උදහස් එක්කරමින් සංදේශයට දායකවෙති. ලොවපුරා වෙසෙන බීබීසී වාර්තාකරුවන්ගේ වාර්තා සහ විශ්ලේෂණද සිංහලට නඟා අපි අපේ අසන්නන්ගේ දැනුම වර්ධනය වෙනුවෙන් ඉදිරිපත් කරමු.

සංදේශයට සවන්දෙන්න

සතිපතා විශේෂාංග

සඳුදා

මකරන්ද - ලොව කලා ක්ෂේත්‍රය දෙස වෙනත් කෝණයකින් විමසා බැලීමක්. ශ්‍රී ලංකාවේත් ජාත්‍යන්තර තලයේත් කලාව සහ කලාකරුවන් ගැන සංවාද සහ විසංවාද. කලා ලෝකයේ නව ප්‍රවණතා හඳුනාගැනීම සහ පැරණි ප්‍රවණතා විමසා බලන වැඩසටහනක්.

බ්‍රහස්පතින්දා

ආලෝකය - සම්ප්‍රදායයට සහ සම්මතයට යටනොවී සම්මතය අභියෝගයට ලක්කරන සංවාද මණ්ඩපයක්. විද්‍යා මාතෘකා ගැන පමණක් අවධානය පලකරන වැඩසටහනකට වඩා ලෝකය සහ නව ප්‍රවණතා දෙස විද්‍යාත්මක කෝණයකින් විමසා බැලීමට උත්සාහ දැරීමක්.

සිකුරාදා

තැපැල් මල්ල - අපේ වැඩසටහන් ගැන ඔබේ ප්‍රතිචාරය පලකිරීමට ඔබටත් අවස්ථාවක්. ලොවපුරා වෙසෙන සියගණනක් අසන්නන්ගෙන් සතිපතා ලැබෙන ලිපි අතරින් තෝරාගත් ලිපි ප්‍රචාරය කෙරෙන තැපැල් මල්ලෙන් ප්‍රචාරය කිරීම සඳහා ඔබේ අදහස් උදහස් අපට එවන්න. සතිපතාම තැපැල් මල්ලෙන් අසන ප්‍රශ්ණයට පිළිතුරු සපයා බීබීසී තෑගි මල්ලක් දිනාගන්නත් ඔබට පුළුවන්.

සෙනසුරාදා

පොතකින් පිටුවක් - සිත පැහැර ගත් පොතක් සමගින් සංදේශයට එන ප්‍රකට චරිතයක් හා එක්වන්න. අසන්න. රස විඳින්න. කියවන්න.

ඉරිදා

අඟහරුවාදා

බදාදා

තාරුණ්‍යය - ලොවපුරා වෙසෙන තරුණ පරපුරේ නව ප්‍රවණතා සහ අධ්‍යාපනය, විරැකියාව ඇතුළු ගැටළු දෙසට යොමුවන විශේෂාංගයක්. ක්‍රිකට් ඇතුළු ක්‍රීඩා මෙන්ම ළමා සහ කාන්තා පරපුර දෙසද අවධානය පලකරන තාරුණ්‍යය ලාංකීය යොවුන් දේශපාලනයත් සංවාදයට ලක්කරනවා.