කැනඩාවේ ලිංගික සේවයට අදාලව තීරණාත්මක තීන්දුවක්

21 දෙසැම්බර් 2013 අවසාන වරට යාවත්කාලීන කළේ 18:12 GMT

Image caption තීරණාත්මක නඩු තීන්දුවක්

කැනඩාවේ ශ්‍රේෂ්ඨාධිකරණය කැනඩාවේ ලිංගික සේවයට අදාලව තීරණාත්මක තීන්දුවක් දී තිබේ.

මෙතෙක් එරට ගණිකා නිවාස තහනම් කොට තිබූ අතර වීථිවල ලිංගික සේවා සපයන්නන් විසින් කෙරෙන ඇවිටිලි කිරීමද තහනම් කොට තිබිණ.

නමුත් අධිකරණ තීන්දුවත් සමඟ මේ සියල්ල වෙනස් වීමට යයි.

ලිංගික සේවයේ යෙදී සිටි සහ දැනට සේවයේ යෙදී සිටින කාන්තාවන් විසින් එම නීති අභියෝගයට ලක් කරමින් ගොනු කළ නඩුවක් විභාග කිරීමෙන් පසුවයි ශ්‍රේෂ්ඨාධිකරණ මේ තීන්දුව ප්‍රකාශයට පත් කළේ.

කැනඩාවේ ලිංගික වෘතිකයන්ගේ සංවිධානයේ ජූලියා ග්රාන්ට් (Julie Grant) පවසන්නේ පැවතුන නීති මගින් ලිංගික සේවයේ යෙදෙන්නන් අනතුරට පත් කොට තිබුණ බවයි.