ඔබේ දුරකථනයේ හෝ පරිගණකයේ මෙය වාදනය කිරීමට අදාළ මෘදුකාංග නැත

බැඳලා අවුරුදු අසූවයි,තාමත් ආදරෙයි

Image copyright bbc

දෙවැනි ලෝක මහා යුද්ධය ආරම්භ වීමට අවුරුදු දහයකට පෙර මුණ ගැසී අනතුරුව විවාහ වූ යුවළක් පසු ගිය අගෝස්තු මාසයේ සිය අසූ වෙනි විවාහ සංවත්සරය සමරනු ලැබීම ලොව පුරාම ජන මාධ්‍යය සඳහා සිරස්තලයක් වුණි.

මොරිස් සහ හෙලන් කෙයේ (Kaye) නම් වයස අවුරුදු දාහතේ සහ දාසයේ නව යොවුන් පෙම්වතුන් යුවළ 1929 වසරේ දී පළමු වරට එකිනෙකා දැක ඇත්තේ එංගලන්තයේදී.

දැන් මොරිස් කෙයෙගේ වයස අවුරුදු 102 ක් වන අතර හෙලන්ගේ වයස අවුරුදු 101කි.

Image copyright bbc

හෙලන්ට වැඩි මහල් සහෝදරියක් සිටි අතර සිය මවගේ ඉල්ලීම අනුව එම සහෝදරිය විවාහ කර දෙන තෙක් තමාට තවත් අවුරුදු හතරක් පෙම්වතියක් ලෙස කල් ගෙවීමට සිදු වූ බවයි හෙලන් පවසන්නේ.

සාර්ථකත්වයේ රහස

අසූ වසරක සාර්ථක විවාහ දිවියේ පදනම ගැන ප්‍රශ්න කළ විට මහලු අඹු සැමි යුවළ කියා සිටියේ, එකිනෙකා ඉවසීම අත්වැරැද්දට සමාව දීම සහ අතපසු වීම් සිතෙහි පැසවීමට ඉඩ නොතබා ඒවා අමතක කර දැමීම සිය විවාහ දිවිය සැපවත් එකක් කළ බවයි.

“ඔබ දෙපල තවමත් පෙම් කරන්නේ දැයි මාධ්‍යවේදියෙක් විමසූ විට ඔවුන් දෙදෙනා ම එකවර කියා සිටියේ “ඇත්තෙන්ම අපි තාමත් ආදරය කරනවා’යනුවෙනි.

මෙම යුවළ බ්‍රිතාන්‍ය සමාජයේ ඉතාම දීර්ඝ කාලයක් යුග දිවි ගෙවූ විවාහක ජෝඩු අතරට එක් වෙන බවයි විශ්ලේෂකයන් පවසන්නේ.

සිය දරුවන් මුණුබුරන් සහ මී මුණුබුරන් හා එක්වයි , මොරිස් සහ හෙලන් ඔවුන්ගේ අසූ වැනි විවාහ සංවත්සරය සමරන ලද්දේ.