අමරදෙව් වියොවින් තැවෙන ලක්දන

  • 2016 නොවැම්බර් 4
Image copyright fb

'හෙළයේ මහා ගාන්ධර්වයාණන්' යනුවෙන් පිදුම් ලැබූ ආචාර්ය පණ්ඩිත් ඩබ්ලිව් ඩී අමරදේව ශූරීන් අභාවප්‍රාප්ත වීමෙන් ශෝකයට පත් ශ්‍රී ලාංකික රසික ජනතාව ඔහු ට තම හදපිරි ගෞරවය සහ ආදරය පුද කිරීම සඳහා සමාජ මාධ්‍ය ජාලා ඔස්සේ ඡයාරූප, කවි පබැඳුම් සහ විවිධාකාරයේ වැකි පළකරමින් සිටිති. පහත පළවන්නේ එසේ අන්තර්ජාල සමාජ මධ්‍යජාලා ඔස්සේ බෙදාහැර තිබුණු නිර්මාණ අතරින් අප ඇස ගැසුණු කිහිපයක් පමණි.

හේෂාන් සිගේරා නම් රසිකයෙක් තම ආදරණීය ගායකයා පිලිබඳව මෙසේ සටහන් කොට තිබුණි. අමරදේවයන් දෙව්ලොවට යන බවකි ඒ මගින් අඟවා තිබුණේ.

Image copyright fb

රන්සර බණ්ඩාර තම හදපිරි ප්‍රණාමය ෆේස්බුක් පිටුවේ පළ කර තිබුණේ අමරදේවයන්ගේ ඡයාරූපයක පසෙකින් කවියක්ද සටහන් කරමිනි.

Image copyright fb

සංගීතවේදී අමරදේවයන්ගේ වියෝව ගැන ෆේස්බුක් සටහනක් තබන කැලණිය විශ්වවිද්‍යාලය සඳහන් කරන්නේ "ඔබ අපෙන් සමුගත්තද අප ඔබෙන් සමුනොගන්නා බව ලියා තබමින්. තවත් බොහෝ පිරිස් ලියා තිබුණු අයුරින් මේ මහා සංගීතවේදියාගෙන් 'ගිමන් හරින්නැයි' ඉල්ලීමක් ද ඒ මගින් සිදුකරයි.

Image copyright fb

ජනප්‍රිය ගයන ශිල්පී කසුන් කල්හාර තම මුහුණු පොතේ සටහනක් තබමින් පවසන්නේ 'අවසන් ප්‍රදීපාගාරයද නිවීගිය බවයි'

Image copyright fb

මේ අතර අමරදේවයන් සතුවූ යහපත් ගුණාංග පිළිබඳවද බොහෝ දෙනෙක් තම අදහස් පළ කර තිබුණි. මේ එවන් නිර්මාණයකි.

Image copyright fb

කිත්සිරි ජයවීර නම් රසිකයෙක් අමරදේව ගාන්ධර්වයාණන් වෙත මෙසේ තම ගෞරවය පළ කර තිබිණි, මහගම සේකරයන්ගේ ගීත රසික හදවත් තුළ රඳවා රැගෙන ආවේ අමරදේවයන් බවයි එම නිර්මාණයෙන් කියැවෙන්නේ.

Image copyright fb

අමරදේවයන් ගෙන් සිදුවූ මෙහෙය ශ්‍රී ලංකික සහෘදයන් වෙත සිහිගැන්වීමට සහ තම මිතුරන් දැනුවත් කිරීමටද ඇතැම් නිර්මාණ මගින් උත්සාහ කර තිබුණි.

Image copyright fb

අමරදේවයන්ගේ වියෝවින් ශෝකවන්නේ සිංහල රසික රසිකාවියන් පමණක් නොවේ. මේ සිෆානි පාතිමා තම ශෝකය පළ කළ ආකාරයයි.

Image copyright fb

ප්‍රවීණ කලාකරුවෙකු වන ඉන්ද්‍රනාත තේනුවර වසර 38 ක සබැඳියාව සිහිකරමින් ...

Image copyright fb

ආචාර්ය අමරදේවයන්ගේ ගීත වල පදවැල් ඇසුරින්ම තෝරාගත් යෙදුම් ඔස්සේ තම හද පිරි ප්‍රණාමය පුදකරන තවත් නිර්මාණයක්.

Image copyright fb

තවත් අයෙකු පවසන්නේ පණ්ඩිත් අමරදේව, මහා සංගීතඥ කේමදාසයන් සහ මහගම සේකර ශූරීන් දෙව්ලොවදී එක්වී ඇති බැවින් දෙව්ලොව මැවෙන අසිරිය පිළිබඳවයි.

Image copyright fb