රිෂාඩ් බදියුද්දීන් සමග සාකච්ඡාව
ඔබේ දුරකථනයේ හෝ පරිගණකයේ මෙය වාදනය කිරීමට අදාළ මෘදුකාංග නැත

ගස් කැපුවේ ආණ්ඩුව -රිෂාඩ්

  • 2017 මාර්තු 12

විල්පත්තුව අවට ජනතාව නැවත පදිංචි කරවීම සඳහා ගස් කැපීම සිදුකරන ලද්දේ ආණ්ඩුව විසින් බව රිෂාඩ් බදියුද්දීන් ඇමතිවරයා පවසයි.

ඔහු මේ බව කියා සිටියේ ලන්ඩන් නුවරදී බීබීසී සිංහල සේවය සමඟ සජීවී සංවාදයකට එක්වෙමිනි.

"ඒක මිනිස්සු නෙවෙයි සුද්ද කළේ. ආණ්ඩුව තමයි සුද්ද කළේ. ආණ්ඩුවක් හැටියට එහෙම නැත්නම් ප්‍රාදේශීය සභාව සුද්ද කරලා, එහෙම නැත්තං ටිම්බර් කෝපරේෂන්, එහෙම නැත්තං වන සංරක්ෂණ දෙපාර්තමේන්තුව. ඒ ගොල්ලෝ තමයි සුද්ද කරලා ඒ ජනතාව පදිංචියට ඇරියේ." යනුවෙන් ඇමතිවරයා ප්‍රකාශ කළේය.

තමන්ගේ ඡන්ද පදනම

ඔහු තවදුරටත් කියා සිටියේ සිංහල සහ මුස්ලිම් ජනතාව අතර භේදයක් ඇතිකිරීම සඳහා දකුණේ සුළු පිරිසක් එකතුවී තමන්ට චෝදනා එල්ල කරමින් සිටින බවය.

තමන්ගේ ඡන්ද පදනම තර කරගැනීම සඳහා ජනාවාස ඇතිකරමින් මුස්ලිම් ජනතාව එම ප්‍රදේශවල පදිංචි කරවන බවට එල්ලවන චෝදනා පිළිබඳව බීබීසීය විමසූවිට ඔහු කියා සිටියේ නැවත පදිංචිකරවීම් සිදුකර ඇත්තේ ප්‍රාදේශීය බලධාරීන් විසින් සියලු ලිපිලේඛන පරීක්ෂා කරනු ලැබීමෙන් අනතුරුව බවය.