Dr Naveen
ඔබේ දුරකථනයේ හෝ පරිගණකයේ මෙය වාදනය කිරීමට අදාළ මෘදුකාංග නැත

වෛරස් උන පැතිරෙද්දී වෛද්‍යවරුන්ගේ වර්ජනය සාධාරණද?

  • 2017 අප්‍රේල් 6

සයිටම් ගැටළුව විසඳීමට අපොහොසත් වුවහොත් ඕනෑම මොහොතක වැඩවර්ජනයක් කැඳවන බව පසුගිය ජනවාරි මස 31වැනිදා සෞඛ්‍යය අමාත්‍යවරයාට දැන්වූ බව රජයේ වෛද්‍ය නිලධාරීන්ගේ සංගමය පවසයි.

ඊයේ (අප්‍රේල් 05) කොළඹදී මාධ්‍ය හමුවක් කැඳවූ සෞඛ්‍ය ආමාත්‍ය රාජිත සේනාරත්න පැවසුවේ රජයේ වෛද්‍ය නිලධාරීන්ගේ සංගමය හෙට වැඩ වර්ජනයක් දියත්කරන බව සෞඛ්‍ය අමාත්‍යංශය හෝ තමන් දැනුවත්කර නොමැති බවය.

සදාචාරය

රටේ ඇතැම් ප්‍රදේශ තුළ ඉන්ෆ්ලුවන්සා උන රෝගීන් විශාල වශයෙන් වාර්තාවෙද්දී වෛද්‍යවරුන් වැඩ වර්ජනය කිරීම සදාචාරාත්මක දැයි බීබීසීය විමසූවිට රජයේ වෛද්‍ය නිලධාරීන්ගේ සංගමයේ ලේකම් වෛද්‍ය නවින් සොයිසා කියා සිටියේ වෛද්‍ය වැඩවර්ජනයක් ඕනෑම මොහොතක සාධාරණීකරණය කළ නොහැකි නමුත් එවැනි ප්‍රදේශවල රෝගීන් අපහසුතාවයට පත් නොකරන ලෙස අදාළ සමිතිවලට දන්වා ඇති බවය.