ශ්‍රේෂ්ඨාධිකරණය අතුරු තහනම් නියෝගයක් නිකුත් කිරීම ප්‍රතික්ෂේප කරයි.

අවසාන යාවත්කාලීන කිරීම :  2012 නොවැම්බර් 22 බ්‍රහස්පතින්දා - 13:44 GMT

ශ්‍රේෂ්ඨාධිකරණය අගවිනිසුරු ශිරාණි බණ්ඩාරණායකට එරෙහි දෝෂාභියෝග යෝජනාව විභාගකිරීම අත්හිටුවීමේ අතුරු තහනම් නියෝගයක් නිකුත් කිරීම ප්‍රතික්ෂේප කරයි.

පූජ්‍ය මාදුළුවාවේ සෝභිත හිමි සහ නීතිඥයන් පිරිසක් විසින් දෝෂාභියෝග යෝජනාව විභාගකිරීම අත්හිටුවීමේ අතුරු තහනම් නියෝගයක් නිකුත් කරන ලෙස ඉල්ලා ඉදිරිපත් කොට තිබූ පෙත්සම් සලකා බැලීමෙන් අනතුරුවයි ශ්‍රේෂ්ඨාධිකරණය එම නියෝගය නිකුත් කරන ලද්දේ.

කෙසේවෙතත් අධිකරණය සහ ව්‍යවස්ථාදායකය අතර පවතින සුහදතාව ඇතිකරනු පිණිස අදාළ නඩු විභාගය අවසන් වන තෙක් අගවිනිසුරුවරියට එරෙහි චෝදනා විභාග නොකරන මෙන් ශ්‍රේෂ්ඨාධිකරණය විසින් පාර්ලිමේන්තු තේරීම් කාරක සභාව වෙත නිර්දේශයක්ද ඉදිරිපත් කරන ලදී.

පෙත්සම්කාර පාර්ශවය අධිකරණයට පැවසුවේ පාර්ලිමේන්තු තේරීම් කාරක සභාවට අධිකරණ බලයක් නොමැති නිසා එම කාරක සභාව විසින් අගවිනිසුරුවරියට එරෙහි චෝදනා විභාගකිරීම මුළුමනින්ම නීති විරෝධී බවයි.

එබැවින් අදාළ තේරීම් කාරක සභාවේ කටයුතු අත්හිටුවීමේ අතුරු තහනම් නියෝගයක් නිකුත් කරන ලෙසයි පෙත්සම්කාර පාර්ශවයේ නීතිඥවරුන් අධිකරණයෙන් ඉල්ලා සිටියේ.

නීතිපතිවරයා අධිකරණය හමුවේ කරුණු දක්වමින් කියා සිටියේ පාර්ලිමේන්තු තේරීම් කාරක සභාවක් වෙත තහනම් නියෝගයක් නිකුත් කිරීමට ශ්‍රේෂ්ඨාධිකරණයට අධිකරණ බලයක් නොමැති බවයි.

වැඩි තොරතුරු සඳහා

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.