ලංකාව ලෝකයේ උපත ලැබීමට 'නරකම රටක්'

අවසාන යාවත්කාලීන කිරීම :  2013 ජනවාරි 21 සඳුදා - 17:36 GMT

ලෝකයේ උපත ලැබීමට සහ වාසය කිරීමට නරකම රටවල් අතරට ශ්‍රී ලංකාව ද එක්වන බව ජාත්‍යන්තර සංවිධානයක් පවසයි.

දි ඉකොනොමිස්ට් සඟරාවට සම්බන්ධ ආර්ථික බුද්ධි තොරතුරු ඒකකය විශ්ලේෂණය කොට ඇති දත්ත අනුව මේ වසරේ දරුවෙකු උපත ලැබීමට සුදුසුම දේශය ස්විට්සර්ලන්තය.

උත්පත්තියක් සඳහා නුසුදුසුම දේශය නයිජීරියාව.

රටවල් 80 ක් අතරින් ශ්‍රී ලංකාවට හිමි වී ඇත්තේ 63 වැනි ස්ථානය. ලංකාව හා සම තැන ගෙන සිටින්නේ පිලිපීනයයි.

රටේ අපරාධ ප්‍රමාණය සහ රජයේ ආයතන පිලිබඳ ජනතා විශ්වාසය වැනි කරුණු පදනම් කරගෙනයි, දි ඉකොනොමිස්ට් සඟරාවට සම්බන්ධ ආර්ථික බුද්ධි තොරතුරු ඒකකය එම දර්ශකය සකස් කොට තිබෙන්නේ.

ලොව ධනවත්ම රටවල් වන ජපානය, ප්‍රංශය සහ බ්‍රිතාන්‍යයට මෙම දර්ශකයේ විස්සෙන් පහල ස්ථාන හිමිවෙද්දී 1988 දී මෙම දර්ශකයේ ප්‍රථම ස්ථානය හිමිව තිබූ ඇමෙරිකා එක්සත් ජනපදයට හිමි වී තිබෙන්නේ 16 වැනි ස්ථානයයි.

මේ අතර යුද්ධයෙන් අනතුරුව උතුරු පළාතේ දරුවන් 10,000 කට ආසන්න පිරිසකට එක් දෙමාපියෙකු හෝ අහිමි බව උතුරු පළාත් සභාව විසින් මෑතදී ප්‍රකාශයට පත් කරන ලද වාර්තාවක දැක්වේ.

උතුරේ දරුවන් මුහුණ පා සිටින මේ ඉරණම ද ශ්‍රී ලංකාව ශ්‍රී ලංකාව මෙවැනි ස්ථානයකට පත්වීමට ප්‍රධාන හේතුවක් විය හැකි බවයි, මේ පිළිබඳව අදහස් දක්වන උතුරු පළාතේ දරුවන්ගේ අයිතිවාසිකම් පිළිබඳව ක්‍රියා කරන නීතිඥ වරියක් වන සේරා ආරුමුගම් පවසන්නේ.

2012 මුල් භාගයේදී උතුරු පළාතේ දරුවන් 1800 කට ආසන්න පිරිසකට දෙමාපියන් දෙදෙනාම අහිමි බව ද ආණ්ඩුවේ සංඛ්‍යා ලේඛනවල සඳහන්.

විශේෂයෙන්ම පශ්චාත් යුද- කාලීන උතුරේ දරුවන් ගේ අධ්‍යාපනය පිලිබඳ ගැටළු මතුවීම මෙන්ම එම දරුවන් නොමඟ යාමේ අවදානම ද නීතිඥ සේරා ආරුමුගම් පෙන්වා දෙන්නීය.

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.