ඔබේ දුරකථනයේ හෝ පරිගණකයේ මෙය වාදනය කිරීමට අදාළ මෘදුකාංග නැත

කැමරන් උතුරේ. දෙමළ විරෝධතා ව්‍යාපාර (වීඩියෝව)

කොළඹ දී රාජ්‍ය නායක සමුළුව විවෘත කිරීමෙන් පැය කිහිපයකට පසුව බ්‍රිතාන්‍ය අගමැති ඩේවිඩ් කැමරන් උතුරේ යාපනය ප්‍රදේශයේ සංචාරය කළේය.

යුද්ධයේ දී මියගිය ඥාතීන් ගේ පවුල් වල කාන්තාවන් අගමැති කැමරන් ගිය වාහන පෙළ ඉදිරියට කඩා පනින්නට උත්සාහ කළ බවයි වාර්තා වන්නේ.

එක් දහස් නවසිය හතළිස් අටේ දී නිදහස ලැබීමෙන් පසු යාපනයේ සංචාරය කළ පළමු විදේශ නායකයා ඔහුයි.

අතුරුදහන් වී ඇති තම ඥාතීන්ගේ ඡායාරූප අතේ දරා සිටි ඔවුන් සාධාරණය ඉටු කරන ලෙස ඉල්ලා හඬ නගා තිබේ.

සමුළුව ආරම්භ වූයේ ශ්‍රී ලංකාව සමුළුව පැවැත්වීමට සුදුසු රටක් ද යන විවාදයක් මතුව තිබියදී යි.

දෙමළ කොටි කැරලි කරුවන්ට එරෙහිව සිදු කල යුද හමුදා මෙහෙයුමේ දී යුද අපරාධ සිදුව ඇති බවට එල්ලවන චෝදනා විමර්ශනය කිරීම පිණිස ස්වාධීන පරීක්ෂණයක් ආරම්භ කිරීම ශ්‍රී ලංකාව විසින් ප්‍රතික්ෂේප කිරීමට විරෝධය පෑම සඳහා කැනඩාව, ඉන්දියාව , සහ මොරිෂස් යන රටවල නායකයන් විසින් සමුළුව වර්ජනය කොට තිබේ.