ඔබේ දුරකථනයේ හෝ පරිගණකයේ මෙය වාදනය කිරීමට අදාළ මෘදුකාංග නැත

අලි ගෘහස්ත කරණය කිරීමේ 'වැඩපිළිවෙලක්'

වනාන්තරවල වෙසෙන අලි ගෘහස්ත කරණය කිරීමේ වැඩපිළිවෙලක් ශ්‍රී ලංකාවේ රහසිගතව ක්‍රියාත්මක වන බව පරිසරවේදීහු පෙන්වා දෙති.

මෙසේ අලි ගෘහස්ත කරණය කිරීම හේතුවෙන් අලින් වඳ වී යාමේ බරපතල් අවදානමක් මතු වී තිබෙන බවයි, ඔවුන් පවසන්නේ.

මේ තත්වය යටතේ අලි ගෘහස්ත කරණය කිරීමේ සැලසුම් සහගත වැඩපිළිවෙල පරාජය කිරීම් වස් ජනතාව දැනුවත් කිරීමේ වැඩපිළිවෙලක් පරිසර හා සත්ව සංවිධාන කීපයක් එක්ව ආරම්භ කොට තිබේ.

ශ්‍රී ලංකාවේ එක්තරා ඉහල පැලැන්තියක් මේ අලි ජාවාරමට හවුල් බව ජෛව සංරක්ෂණ මධ්‍යස්ථානයේ පුබුදු වීරරත්න බීබීසී සංදේශයට කියා සිටියේය.

ජාත්‍යන්තර සත්ත්ව සුභසාධන භාරයේ සභාපතිනි අයිරාංගනී ද සිල්වා, ශ්‍රී ලංකා පරිසර සම්මේලනයේ සභාපති පූජ්‍ය මාදම්පාගම අස්සජි හිමි, ශ්‍රී ලංකා ජෛව විවිධත්ව හා පරිසර කවයේ සභාපති සුපුන් ලහිරු ප්‍රකාශ් ඇතුළු පරිසර හා සත්ත්ව සංවිධාන කීපයක නියෝජිතයෝ ජනතාව දැනුවත් කිරීමේ වැඩපිළිවෙලට එක්ව සිටි බව ප්‍රසාද් පූර්ණිමාල් ජයමාන්න වාර්තා කරයි.