ඔබේ දුරකථනයේ හෝ පරිගණකයේ මෙය වාදනය කිරීමට අදාළ මෘදුකාංග නැත

ආණ්ඩුව දැනටමත් පරාදයි - වික්ටර් අයිවන්

පොදු අපේක්ෂකයා ලෙස තෝරා ගෙන සිටින මෛත්‍රීපාල සිරිසේන, මහින්ද රාජපක්ෂ ජනාධිපතිවරයාට දැවැන්ත අභියෝගයක් බව ප්‍රවීණ මාධ්‍යවේදී වික්ටර් අයිවන් ප්‍රකාශ කරයි.

විරුද්ධ පක්ෂ විසින් හොඳ ඉත්තෙකු යොදා ගෙන ඇති බවයි ඔහු පෙන්වා දෙන්නේ.

සියලු දේශපාලන ව්‍යාපාර එක හඬින් ජනාධිපතිවරයා පරාජය කිරීමට එක්ව සිටින බව පවසන ඔහු සමස්ත සටනම ජනාධිපතිවරණයකට යාමට පෙර අවසන් වී ඇති බවයි ඔහු පෙන්වා දෙන්නේ.

“විශාල කඩා වැටීමක්, බිඳ වැටීමක්, කල් තියා පරාජය පේන්න සැලැස්වීමක්,” යනුවෙනුයි ඔහු තවදුරටත් අලුත්ම දේශපාලන පෙළ ගැස්ම ගැන අදහස් දක්වමින් කියා සිටියේ.

ජනාධිපතිවරණ සටන සියයට 70 කින් අවසන් වී ඇති බව පවසන ප්‍රවීණ මාධ්‍යවේදී වික්ටර් අයිවන්, ජනාධිපතිවරයා සියලුම තුරුම්පු ගසා අවසන් වී ඇති බවත් විපක්ෂය තම සටන ආරම්භ කළා පමණක් බවත් සඳහන් කළේය.