ඉතාලියේ දුම්රිය දෙකක් මුහුණට මුහුණ ගැටී පිරිසක් මරුට

Image copyright Italian fire service

දකුණු ඉතාලියේ මගී දුම්රිය දෙකක් එකට එක ගැටීමෙන් පුද්ගලයන් විසි දෙනෙකු මියගොස් තවත් විශාල පිරිසකට තුවාල සිදු වී ඇත.

ඉතාලියේ අන්ද්රියා ප්‍රදේශයේ දුම්රිය මාර්ගයක මුහුණට මුහුණලා ගැටුණු දුම්රිය දෙකේ ගමන් ගත් මගීන් ගලවා ගැනීමේ කටයුතු තවමත් සිදු වෙමින් පවතියි.

Image copyright EPA
Image caption දුම්රිය දෙකේම පළමු මැදිරි සම්පූර්ණයෙන් ම විනාශ වී තිබෙන අයුරු

අනතුර සිදු වූ අවස්ථාවේ එක දුම්රියක් එහි උපරිම බලයෙන් ධාවනය වෙමින් තිබුණු අතර අනතුරෙන් දුම්රිය දෙකේම පළමු මැදිරි සම්පූර්ණයෙන් ම විනාශ වී තිබෙන අයුරු දැක්වෙන රූප රාමු මාධ්‍ය විසින් පළ කොට තිබුණි.

එකම දුම්රිය මාර්ගයේ දුම්රිය දෙකක් ගමන් කිරීමට හේතු වූ කරුණු පිළිබඳ විශේෂ පරීක්ෂණයක් ආරඹා ඇති බවයි ඉතාලි බලධාරීන් පවසන්නේ.