'අලෙප්පෝ සුන්බුන් වලට යටවූ පිරිස් මුදාගන්න කවුරුවත් නැහැ'

  • 2016 සැප්තැම්බර් 25
Damaged building after air strikes on the rebel held Tariq al-Bab neighbourhood of Aleppo, Syria September 24, 2016. Image copyright Reuters
Image caption අලෙප්පෝ නගරයේ ජනාකීර්ණ ප්‍රදේශයක් ගුවන් ප්‍රහාර වලට ලක්වී ඇති අයුරු

අලෙප්පෝ නගරය හා ඒ අවට පවතින ගැටුම් නවතා දමමින් සැබෑ නායකත්වය පෙන්වන ලෙස එක්සත් ජාතීන්ගේ සංවිධානයේ සිරියාවේ මානවීය කටයුතු පිලිබඳ ප්‍රධානී ජෑන් ඉගිලන්ඩ් රුසියාවෙන් සහ ඇමරිකාවෙන් ඉල්ලයි.

සහනාධාර රැගත් ට්‍රක් රථ වලට ඇතුළුවීමට ඉඩ සලසමින් කැරලිකරුවන් අත පවතින ප්‍රදේශ වල සිටින සාමාන්‍ය ජනතාව වෙත බෝම්බ හෙලීම නවතා දැමිය යුතු බවයි ඔහු පවසන්නේ.

වොෂින්ටනය සහ මොස්කව් අතර වූ සටන් විරාම එකඟතාව බිඳී යාමත් සමග සිරියානු සහ රුසියානු යුද ගුවන් යානා මගින් ප්‍රහාර එල්ලකෙරෙමින් පවතී.

සහනාධාර සේවකයන් පවසන ආකාරයට බොහෝ පිරිස් ගොඩනැගිලි සුන් බුන් වලට යටවී සිටින අතර ඔවුන් බේරාගැනීම සඳහා ප්‍රමාණවත් සහන සේවකයන් පිරිසක් නොමැත.

මේ පුවතට සම්බන්ධ තවත් විස්තර