ෆේස්බුක්
ඔබේ දුරකථනයේ හෝ පරිගණකයේ මෙය වාදනය කිරීමට අදාළ මෘදුකාංග නැත

ෆේස්බුක් නිසා දෙමව්පියන්ට නඩු දැමූ දියණියක්

  • 2016 සැප්තැම්බර් 27

සිය අනු දැනුමෙන් තොරව තම ඡායාරූප ෆේස්බුක් සමාජ ජාලයේ පළ කොට ඇති බවට දෙමව්පියන්ට චෝදනා කරමින් ඕස්ට්‍රේලියානු තරුණියක් අධිකරණයට ගොස් තිබේ.

2009 වසරේ සිට මේ දක්වා සිය දෙමව්පියන් විසින් අවසරයකින් තොරව ඔවුන්ගේ ෆේස්බුක් පිටු තුළ තමන් අපහසුවට පත් කරවන සහ පෞද්ගලිකත්වයට හානි කරවන සුළු ඡායාරූප පන්සියයකට වැඩි ප්‍රමාණයක් පළ කොට ඇති බවට දහඅට හැවිරිදි වියේ පසු වන තරුණිය චෝදනා කරයි.

මිතුරන් හත්සියයකට වැඩි පිරිසක් සිටින දෙමව්පියන්ගේ ෆේස්බුක් ගිණුමේ තම කුඩා කාලයේ ඡායාරූප පළ කිරීම තුළින් තමන්ගේ ජීවිතය අවාසනාවන්ත තත්වයට පත් කළ බවයි ඇය පවසන්නේ.

කෙසේ නමුත් සිය දරුවාගේ ඡායාරූප ෆේස්බුක් තුළ පළ කරනු ලැබීම තරුණියගේ පියා සාධාරණීකරණය කරයි.

සමාජ මාධ්‍ය තුළ ළමුන්ගේ ඡායාරූප පළ කිරීම තුළින් ඔවුන් විකෘති ලිංගික ආශාවන් සහිත පුද්ගලයන්ගෙන් අනතුරට ලක් වීමේ හැකියාව පවතින බව මාධ්‍යවේදිනියක් වන රෝසි වෙට්ස් පවසන්නීය.

ඒ පිළිබඳ සැකසුණු වාර්තාවට ඉහත හඬ පටයෙන් සවන් දෙන්න.