බ්‍රසීල ගුවන් යානයේ 'ඉන්ධන අවසන් වෙලා'

  • 2016 දෙසැම්බර් 1
Image copyright TELEANTIOQUIA VIA TWITTER
Image caption අනතුරට ලක්වූ ගුවන් යානය

බ්‍රසීලයේ පාපන්දු කණ්ඩායමක ක්‍රීඩකයන් පිරිසක් ගමන් ගත් ගුවන් යානය අනතුරට ලක්වීමට හේතුව, එම යානයේ ඉන්ධන අවසන්වීම බව සනාත කෙරෙන තොරතුරු ලැබී ඇතැයි බ්‍රසීල බලධාරීහු පවසති.

මෙම ගුවන් යානය පසුගිය සඳුදා අනතුරට ලක්වූයේ කොලොම්බියාවේ මෙඩලින් නගර බලා ගමන් කරමින් සිටියදීය.

ගුවන් යානය අනතුරට ලක්වීමට පෙර ගුවන් පාලක මැදිරිය සමග කතා කළ ගුවන් නියමුවා, ඉන්ධන අවසන් වීම සහ විදුලි කාන්දුවක් පිළිබඳව දැනුවත් කර ඇති බව පරීක්ෂණයෙන් අනාවරණය වී ඇත.

ගුවන් යානය කඩාවැටීමට පැයකට කලින් කොලොම්බියාවේ බොගෝටා නුවරදී යානයට ඉන්ධන පිරවීමට නියමුවාට අවස්ථාවක් තිබූ නමුත් ඔහු එසේ කර නැති බව බලධාරීහු පවසති.

මෙම ගුවන් යානයේ හැත්තෑ හත් දෙනෙකු ගමන් කර ඇති අතර ඉන් හැත්තෑ එක් දෙනෙකු මියගිය ගිය බව බලධාරීහු නිවේදනය කළහ.