"කාන්තාවන් දුර්වලයි, බුද්ධියෙන් අඩුයි"

Image copyright AFP
Image caption පෝලන්ත ජාතික යුරෝපා පාර්ලිමේන්තු මන්ත්‍රී කොර්වින් මිකේ

කාන්තාවන් දුර්වල බවත් බුද්ධියෙන් ඌණ බවත් පැවසූ පෝලන්ත ජාතික යුරෝපා පාර්ලිමේන්තු මන්ත්‍රීවරයෙකුට දඬුවම් පැමිණ වීමේ ඉඩක් පවතින බව වාර්තා වෙයි.

පෝලන්ත ජාතික යුරෝපා පාර්ලිමේන්තු මන්ත්‍රී කොර්වින් මිකේ දැඩි විවේචනයට තුඩු දී ඇති එම ප්‍රකාශය කළේ පුරුෂයන්ට කාන්තාවන්ට වැඩි ඉහළ වැටුප් හිමිවිය යුතු බව පවසමිනි.

කොර්වින් මිකේ විසින් එවැනි ප්‍රකාශයක් කිරීම තුළින් සභා නීති කඩ කර තිබේ දැයි සොයා බැලීමට යුරෝපා පාර්ලිමේන්තුවේ සභාපතිවරයා විසින් පරීක්ෂණයක් ආරම්භ කොට තිබේ.

යුරෝපා පාර්ලිමේන්තු නීති රෙගුලාසි වලට අනුව සභාව තුළ යම් පාර්ශවයක් හෝ පුද්ගලයෙකු අපකීර්තියට පත්වන අයුරින් හැසිරීම, ජාතිකත්වය පදනම් කරගනිමින් අන්තවාදී අදහස් දැක්වීම තහනම් වේ.

සමාජවාදී සහ ප්‍රජාතන්ත්‍රවාදී කණ්ඩායම් බොහොමයක් එම 'ලැජ්ජාසහගත ප්‍රකාශය' සිදුකළ පෝලන්ත යුරෝපා පාර්ලිමේන්තු සභිකයාට එරෙහිව දඬුවම් නියම කරන ලෙස යුරෝපා පාර්ලිමේන්තුවේ සභාපති ඇන්ටෝනියෝ ටාජානිට බල කර සිටිති.

යුරෝපා පාර්ලිමේන්තු මාධ්‍ය ඒකකය බීබීසියට පැවසුවේ යුරෝපා පාර්ලිමේන්තු සභා නීති කඩ කරන සභිකයෙකුට දඩයක් නියම කිරීමටත් ඔහුගේ සහභාගීත්වය තාවකාලිකව අත්හිටුවීමටත් පාර්ලිමේන්තුවට බලය තිබෙන බවය.

මේ පුවතට සම්බන්ධ තවත් විස්තර

බීබීසී යෙන්