ලන්ඩන් 'ත්‍රස්ත ප්‍රහාරය': කාන්තාවක මරුට

  • 2017 මාර්තු 22
ආරක්ෂක තත්වය Image copyright Getty Images

ලන්ඩනයේ වෙස්ට්මින්ස්ටර් පාර්ලිමේන්තුවේ දී පොලිස් නිලධාරියකුට පිහි ප්‍රහාරයක් එල්ල වී ඇති අතර, ත්‍රස්තවාදී ප්‍රහාරයක් ලෙසින් පොලිසිය විග්‍රහ කරන සිදුවීමේදී කාන්තාවක ද මරුමුවට පත් වී තිබේ.

Image copyright Reuters

වෙස්ට්මින්ස්ටර් පාලම මතදී ඕනෑකමින්ම පදිකයන් වෙතට සිය රිය පදවාගෙන ගිය බව සැලකෙන ප්‍රහාරකයාට පොලිසිය වෙඩි තබා ඇත. එහිදී අවම තරමින් සිව් දෙනෙකුවත් තුවාල ලබා ඇති බව වාර්තාවල දැක්වේ.

Image copyright PA

ඉන් අනතුරුව සිය රථය වෙස්ට්මින්ස්ටර් පාර්ලිමේන්තුවේ වැටේ ගැටුණු අවස්ථාවේ ඔහු පොලිස් නිලධාරියාට පිහි පහර එල්ල කළේය.

වෙඩි හඬ ඇසෙත්ම, අගමැතිනි තෙරේසා මේ ආරක්‍ෂිත ස්ථානයක් වෙත රැගෙන ගොස් ඇති අතර ඇය ආරක්ෂිතව පසුවන බව අගමැති කාර්යාලය පවසයි.

බකිංහැම් මාලිගයේ ද ආරක්ෂාව තරකර තිබෙන අතර, සිදුවීම සම්බන්ධයෙන් බකිංහැම් මාලිගය මෙතෙක් කිසිවක් ප්‍රකාශ කොට නැත.

Image copyright AP

වෙඩි ප්‍රහාර තුනක් හෝ හතරක් තමන්ට ඇසුණු බව මන්ත්‍රීවරු පවසති.

සිය කාර්යාල තුලම රැඳී සිටින ලෙස පාර්ලිමේන්තුවේ සේවකයන්ට උපදෙස් දී තිබේ.

Image copyright PA

පාර්ලිමේන්තු රැස්වීම අත්හිටුවා ඇති අතර, වෙස්ට්මින්ස්ටර් ප්‍රදේශයට පැමිණීමෙන් වලකින මෙන් පොලිසිය ජනතාවගෙන් ඉල්ලීමක් කරයි.

මේ පුවතට සම්බන්ධ තවත් විස්තර