ගව ඝාතනයට වසර හතක සිර දඬුවමක්

  • 2017 මාර්තු 31
Image caption හින්දු බැතිමතුන්ට ගවයා පූජනීය වෙයි

ගව ඝාතනයට වසර හතක සිර දඬුවමක්

ගව ඝාතනය ජීවිතාන්තය තෙක් බලපැවැත්වෙන සිර දඬුවමක් බවට පත් කෙරෙන පනත් කෙටුම්පතකට ඉන්දියාවේ ගුජරාට් ප්‍රාන්ත මන්ත්‍රී මණ්ඩලයේ අනුමැතිය ලැබුණි.

නව නීතිය අනුව ගව ඝාතනය ඇප නොලැබෙන වරදක් හැටියටත් ප්‍රකාශයට පත්කෙරෙයි.

මෙම නව නීතිය සම්මත කෙරෙන තෙක් ඉන්දියාවේ ගව ඝාතනයට නියම කෙරෙන දඬුවම වසර හතක සිර දඬුවමකට සීමාවිය.

ඉන්දියාවේ හින්දු ප්‍රජාව අතර ගවයා පූජනීය ජීවියෙකි.

ගුජරාට් ප්‍රාන්තයේ ඇමතිවරයෙක් නව නීතිය පිළිබඳව අදහස් දක්වමින් 'ගවයා ඉන්දියානු සංස්කෘතියේ සංකේතයක්' වන බව කියා සිටියේය.

Image caption මහජන පුද ලබන ගවයෙක්

ප්‍රාන්ත මන්ත්‍රී මණ්ඩලය මගින් පනවන ලද අලුත් නීතිය තව නොබෝ දිනකින් පැවැත්වෙන ගුජරාට් මැතිවරණයේ දී පාලක භාරතීය ජනතා පක්ෂය මහජන ඡන්ද දිනා ගැනීම සඳහා පාවිච්චි කරන උපක්‍රමයක් හැටියට කොන්ග්‍රස් පක්ෂයේ දේශපාලනඥයකු විසින් විග්‍රහ කරනු ලැබ ඇත.

මේ පුවතට සම්බන්ධ තවත් විස්තර