චැම්පියන්ස් කුසලානය: කපුගෙදරට ආබාධයක්

  • 2017 ජුනි 7
චාමර කපුගෙදර Image copyright Getty Images

පාදයේ හටගත් ආබාධයක් හේතුවෙන් ශ්‍රී ලංකා ක්‍රිකට් කණ්ඩායමේ මැද පෙළ පිතිකරු චාමර කපුගෙදරට චැම්පියන්ස් කුසලාන එක් දින තරගාවලියෙන් ඉවත් වීමට සිදු වී= තිබේ.

ඔහු ආබාධයට ලක්ව ඇත්තේ බ්‍රහස්පතින්දා (ජුනි 08) ඉන්දියාව සමග පැවැත්වීමට නියමිත තරගයට පෙර පැවති පුහුණු සැසියකට සහභාගි වෙමින් සිටියදීය.

ඒ අනුව චාමර කපුගෙදර වෙනුවට ධනුෂ්ක ගුණතිලක කණ්ඩායමට කැඳවීමට ශ්‍රී ලංකා ක්‍රිකට් ආයතනය තීන්දු කර තිබේ.

එංගලන්ත සංචාරයේ සංචිතයට ඇතුළත්ව නොසිටියත් එහි පුහුණු වීම් සඳහා සහභාගි වෙමින් සිටි ධනුෂ්ක ගුණතිලක සංචිතයට ඇතුළත් කරන මෙන් ශ්‍රී ලංකා ක්‍රිකට් ආයතනය ජගත් ක්‍රිකට් කවුන්සිලයෙන් ඉල්ලීමක් කර තිබේ.

බ්‍රහස්පතින්දා ඉන්දියාව සමග පැවැත්වෙන තරගයට නායක ඇන්ජලෝ මැතිව්ස් සහභාගි වන්නේ පිතිකරුවෙක් වශයෙනි.