චීනයේ නාය යාම: පවුල් රැසක් තවමත් අතුරුදහන්

Image copyright Getty Images
Image caption මේ දක්වා මළ සිරුරු 15 ක් සොයා ගෙන ඇති අතර තවත් ගණනාවක් සුන්බුන් අතර සිරව සිටින බවට බිය පළ වේ

චීනයේ සිච්වාන් පළාතේ ගම්මානයක් නාය යාමකට හසු වීමත් සමග සියයකට අධික සංඛ්‍යාවක් තවමත් අතුරුදහන්ව සිටින බව බලධාරීහු පවසති.

ගම්මානයේ නිවාස පස් යට වැළලී ගොස් ඇති අතර සෙනසුරාදා (ජුනි 24) අඹුසැමි යුවලක් සහ දරුවෙකු බේරා ගැනීමට සහන කණ්ඩායම් සමත් වූහ.

කෙසේ නමුත් දිවි බේරා ගත් පුද්ගලයන් සෙවීමේ බලාපොරොත්තු බොඳව යමින් පවතී.

මේ දක්වා මළ සිරුරු 15 ක් සොයා ගෙන ඇති අතර තවත් ගණනාවක් සුන්බුන් අතර සිරව සිටින බවට බිය පළ වේ.

ෂින්මෝ ගම්මානයේ නිවාස 40 ක් පමණ නාය යාමට හසුව ඇති අතර බේරා ගැනීමේ මෙහෙයුම් සඳහා සහන සේවකයන් දහස් ගණනක් යොදවනු ලැබ තිබේ.

දෙවන දිනටත්

Image copyright Reuters
Image copyright Getty Images

සහන සේවකයෝ දෙවන දිනටත් පස් සහ ගල් ඉවත් කිරීමේ උත්සාහයක නිරතව සිටිති.

පුද්ගලයන් 118 දෙනෙකු පිළිබඳ මෙතෙක් තොරතුරක් නොමැත.

ධාරානිපාත වැසි හමුවේ චීනයේ කඳුකර ප්‍රදේශවල නිතර නාය යාම් සිදු වේ.

2008 වසරේ දී සිච්වාන් පළාතේ ඇති වූ භූමිකම්පාවකට හසුව පුද්ගලයන් 87,000 ක් මරණයට පත් විය.

සංචාරකයන් රැගත් බස් රථයක් එම භූමිකම්පාව හේතුවෙන් සිදු වූ නාය යාමකට හසු වූ අතර ඉන් තිස් හත් දෙනෙකු මරණයට පත් විය.

සබැඳි විෂයයන්

මේ පුවතට සම්බන්ධ තවත් විස්තර