කැනඩාවේ 150 වෙනි සංවත්සරය: රටපුරා උත්සව

Image copyright Reuters
Image caption කැනඩාවේ අගමැති ජස්ටින් ට්රූඩෝ සිය පුතු සමග

කැනඩාව රාජ්‍යයක් වශයෙන් ස්ථාපනය කර වසර 150 ක් සැපිරීම නිමිත්තෙන් සෙනසුරාදා (ජුලි 01) ඔටවා නුවර ඇතුළු රට පුරා උත්සව පැවැත්විණි.

ඔටවා නුවර පැවති සංවත්සර උළෙල සඳහා කැනේඩියානු වැසියන් දහස් ගණනක් සහභාගී වූහ.

සැමරුම් උත්සව අතරට කැනේඩියානු කලාකරුවන්ගේ සහභාගීත්වයෙන් පැවති සංගීත සංදර්ශන, ගුවන් සංදර්ශන, අලුතින් පුරවැසිභාවය ලබා ගැනීමේ උත්සව, ගිනිකෙළි සංදර්ශන ද ඇතුළත් විය.

කැනඩාවේ අගමැති ජස්ටින් ට්රූඩෝ විසින් සම්ප්‍රදායිකව ඉංග්‍රීසි සහ ප්‍රංශ බසින් සංවත්සර උළෙල අමතනු ලැබීය.

ඉංග්‍රීසි සහ ප්‍රංශ යන භාෂා දෙකම කැනඩාව තුළ නිල වශයෙන් පිළිගැනේ.

"ඔබ කොහේ සිට ද පැමිණියේ, ඔබ කුමන ආගමක් ද අදහන්නේ, ඔබ කාටද ආදරේ කියන දේ අප තකන්නේ නැහැ. ඔබ සියලු දෙනාම කැනඩාවට සාදරයෙන් පිළිගන්නවා" යනුවෙන් සංවත්සර උළෙල අමතමින් අගමැති ජස්ටින් ට්රූඩෝ පැවසීය.

ස්වදේශිකයන්

Image copyright Reuters
Image copyright Reuters
Image copyright EPA
Image copyright AFP

කැනඩාවේ ස්වදේශික ජනතාව සිහිපත් කරමින් අගමැතිවරයා කියා සිටියේ කැනඩාව වෙත මුල් පදිංචිකරුවන් පැමිණි දින පටන් ඔවුන් "මර්දනයේ ගොදුරු" වූ බවය.

"සමාජයක් වශයෙන් අප අතීතයේ සිදු වූ වැරදි පිළිගත යුතුයි" යනුවෙන් කී අගමැතිවරයා සංහිඳියාව දිනා ගැනීම සඳහා තවත් විශාල වැඩ කොටසක් ඉටු කිරීමට ඇති බවත් සඳහන් කළේය.

සබැඳි විෂයයන්

මේ පුවතට සම්බන්ධ තවත් විස්තර

බීබීසී යෙන්