වැඩ වර්ජනයකින් නේපාලයේ ප්‍රවාහන සේවා අඩාලයි

අවසාන යාවත්කාලීන කිරීම :  2012 අගෝස්තු 10 සිකුරාදා - 17:41 GMT

ප්‍රවාහන අංශයේ හාම්පුතුන් විසින්, දින නියමයක් නැතිව දියත් කර ඇති මහා වැඩ වර්ජනය නිසා කත්මන්ඩු අගනුවර කටයුතු අඩාල වී තිබේ.

බස් සහ කුලී රථ ධාවනයෙන් ඉවත් කොට තිබුන අතර, රට පුරාම මගී ප්‍රවාහන කටයුතු වලට වර්ජනය බලපෑ බවයි වාර්තා වන්නේ.

මගී ගාස්තු සහ පොලිස් රථ වාහන අංශය විසින් සිදු කරනු ලබන දූෂණ ආදියට අදාළ තම ඉල්ලීම් ඉටු කරන තෙක්, වැඩ වර්ජනය පෙරට ගෙන යන බවයි, නේපාලයේ ප්‍රවාහන හිමියන්ගේ සන්ධානය සහ වෘත්තීය සමිති කියා සිටින්නේ.

මේ සම්බන්ධයෙන් නේපාල් ආණ්ඩුව සහ ප්‍රවාහන අංශයේ හාම්පුතුන් අතර ඊයේ පැවති සාකච්ඡා සාර්ථක වී නැත. ආරාවුල නිරාකරණය කර ගැනීමේ සාකච්ඡා සිකුරාදාත් පැවැත්විණි.

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.