මරා දැමුණු දකුණු අප්‍රිකානු කම්කරුවන් සැමරේ

අවසාන යාවත්කාලීන කිරීම :  2012 අගෝස්තු 23 බ්‍රහස්පතින්දා - 12:38 GMT

පොලිස් වෙඩි පහරින් ඝාතනය වූ දකුණු අප්‍රිකාවේ ආකර කම්කරුවන් ඇතුළු හතලිස් හතර දෙනකු වෙනුවෙන් පැවති දේව මෙහෙයට දහස් ගණන් ජනතාව සහභාගි වුහ.

වැඩි වැටුප් ඉල්ලා වැඩ වර්ජනය කළ මරිකානා ප්ලැටිනම් පතලේ කම්කරුවන්ට පොලිසිය පහර දෙන ලද්දේ පසුගිය සතියේදීයි.

තවමත් වැඩ වර්ජනයේ යෙදී සිටින කම්කරුවන් පිහි සහ කැති රැගෙන දේව මෙහෙයට සහභාගී වීමට පැමිණි අවස්ථාවේ නොසන්සුතාවක් පැන නැගුන බවද වාර්තා විය. මරා දැමුණ කම්කරුවන් වෙනුවෙන් දකුණු අප්‍රිකාව පුරා ආගමික මෙහෙය සංවිධානයකොට තිබේ.

පොලිස් වෙඩි තැබීම සම්බන්ධයෙන් පවත්වන පරීක්ෂණ පිලිබඳ තොරතුරු දකුණු අප්‍රිකානු ජනාධිපති ජාකොබ් සූමා විසින් හෙළි කිරීමට නියමිතයි.

පසුගිය බදාදා ජනාධිපතිවරයා පතලේ සංචාරය කළ අවස්ථාවේ වර්ජකයෝ ඔහු නොතකා හළහ.

මරිකානා ආකරයෙන් ආරම්භ වූ වැඩ වර්ජනය මේ වන විට අනිකුත් පතල් වලටද පැතිර ගොස් තිබේ.

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.