රාජස්තාන්: එළිමහනේ මුත්‍රා කරන්නන් දුටු විට නලා පිඹීමේ සැලසුමක්

අවසාන යාවත්කාලීන කිරීම :  2012 නොවැම්බර් 5 සඳුදා - 14:33 GMT
India toilet

එළිමහනේ මුත්‍රා සහ ශරීර කෘත්‍යයන් කිරීම ග්‍රාමීය ඉන්දියාවේ සාමාන්‍ය දර්ශනයක්

මහජනතාව වැසිකිලි පාවිච්චිය සඳහා යොමු කිරීමේ ප්‍රචාරක ව්‍යාපාරයක් දියත්කරන බව බටහිර ඉන්දියාවේ රාජස්තාන් ප්‍රාන්තයේ නිලධාරීහු නිවේදනය කළහ.

එම වැඩ පිළිවෙල යටතේ ප්‍රසිද්ධ ස්ථානයන්හි එළිමහනේ මුත්‍රා සහ ශරීර කෘත්‍යයන් කරන ජනයා සොයා බැලීමේ ස්වේච්ඡා සේවකයන් කණ්ඩායමක් පත් කිරීමට රාජස්තානයේ තිහකට අධික ගම්සභා පියවර ගෙන ඇති බවයි වාර්තා වන්නේ.

එවැනි ක්‍රියාවක නිරත වන තැනැත්තකු දුටු විට එම ස්වේච්ඡා සේවකයන්ට පැවරී තිබෙන්නේ කෑ ගැසීම, නලා පිඹීම හෝ බෙරයක් ගැසීමයි.

වැසිකිලි තනා ගැනීම සඳහා මුදල් සපයා ඇති හෙයින් එළිමහනේ මුත්‍රා සහ ශරීර කෘත්‍යයන් කරන පුද්ගලයන්ට නිදහස සඳහා කිසිදු කරුණක් නැති බවයි නිලධාරීන් පවසන්නේ.

එළිමහනේ මුත්‍රා සහ ශරීර කෘත්‍යයන් කිරීම ග්‍රාමීය ඉන්දියාවේ සාමාන්‍ය දර්ශනයක් වී ඇති අතර එය මහජන ශරීර සෞඛ්‍යයට ඉතාම හානිකර බලපෑමක් සහිත පුරුද්දක්.

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.