ඔබේ දුරකථනයේ හෝ පරිගණකයේ මෙය වාදනය කිරීමට අදාළ මෘදුකාංග නැත

'මංගල්යාන්' අඟහරු ලොව වෙත කක්ෂගත කෙරේ

අඟහරු ලොව වෙත යැවෙන ප්‍රථම ඉන්දීය අභ්‍යවකාශ යානය, 'මංගල්යාන්' බෙංගාල බොක්කේ අභ්‍යවකාශ මධ්‍යස්ථානයෙන් ප්‍රීති ඝෝෂා මධ්‍යයේ කක්ෂගත කෙරිණ.

මංගල්යාන් ලබන සැප්තැම්බරයේ අඟහරු ලොව වෙත ලඟා වීමට නියමිත බව ඉන්දීය විද්‍යාඥයෝ ප්‍රකාශ කරති.

අනතුරකින් තොරව යානය අඟහැරු ග්‍රහයා වෙත ලඟා වුවහොත්, නියමුවන් රහිත යානය අඟහරු ලොව ජීවීන් බිහිවීමට ඇති ඉඩකඩ පිලිබඳ විද්‍යාත්මක තොරතුරු ගොනු කරමින් අඟහරු ග්‍රහයා වටා ගමන් කිරීමට බලාපොරොත්තුවන බවද ඔවුහු පවසති.

එසේ වුවහොත්, ඉන්දියාව අඟහරු ග්‍රහයා වෙත අභ්‍යවකාශ යානයක් ගුවන් ගත කළ පළමු ආසියානු කලාපීය රට බවට පත්වේ.

යානය නිර්මාණය කිරීම පිණිස වැය වී තිබෙන්නේත් ඇමෙරිකානු ඩොලර් කෝටි හතක වැනි සාපේක්ෂව ඉතා අඩු මුදලක්.

එහෙත් මංගල් යාන් යානය මගින් කිසිදු නව සොයා ගැනීමක් සිදු වනු නැති බව පවසන විවේචකයෝ, විද්‍යාත්මක ගවේෂණයකට වඩා චීනය සමඟ පවතින කලාපීය බල අරගලය යානය කක්ෂගත කිරීමේ ප්‍රධාන අරමුණ බවද ප්‍රකාශ කරති.