කිම් ජොන් උන් ගේ මාමා ජැන්ග් සොං තායෙක් මරා දැමේ

  • 2013 දෙසැම්බර් 13

උතුරු කොරියාවේ නායක කිම් ජොන් උන් ( Kim Jong-Un ) ගේ ඉතා බලගතු මාමා වන ජැන්ග් සොං තායෙක් (Jang Song Thaek) මරා දමනු ලැබූ බව උතුරු කොරියාව නිවේදනය කර තිබේ.

රටේ බලය අල්ලා ගැනීමට උත්සාහ දරා ඇති බවත් ඔහු ඊට වරදකරු බවටත් විශේෂ යුද හමුදා අධිකරණයක් විසින් තීන්දු කරන ලදී .

මෙම ප්‍රවෘත්තියත් සමඟ න්‍යෂ්ටික ශක්තියෙන් බල සම්පන්න කොමියුනිස්ට් රාජ්‍යයේ ස්ථාවරභාවය පිළිබඳව ජාත්‍යන්තර අවධානය තීව්‍ර වී තිබේ.

උතුරු කොරියාවේ නායක කිම් ජොන් උන් ගේ බලය තහවුරු කිරීම සඳහා බියකරු පාලනයක් ගෙන යමින් සිටින බවට දකුණු කොරියානු ජනාධිපති පාක් ගන් හේ (Park Geun-Hye) උතුරු කොරියාවට චෝදනා එල්ල කළේය.

දෙරට අතර සම්බන්ධතා අස්ථාවර වනු ඇති බවට ඇය අනතුරු අඟවා සිටියාය.

උතුරු කොරියාවේ ප්‍රධාන පාර්ශ්වකරුවකු වන චීනය පැවසුවේ මරණ දඬුවම ක්‍රියාත්මක කිරීම අභ්‍යන්තර කටයුත්තක් බවයි. නමුත් උතුරු කොරියාවේ ස්ථාවරත්වය පවතිනු ඇති බවට ඇය බලාපොරොත්තු පල කළාය.

මේ පුවතට සම්බන්ධ තවත් විස්තර