'ප්‍රේමය සහ වෛරය අතරින් තෝරාගන්න'

  • 2013 දෙසැම්බර් 25

ෆ්‍රැන්සිස් පාප් වහන්සේ කතෝලික සභාවේ ප්‍රධානියා ලෙසින් සිය මුල්ම නත්තල් දේව මෙහෙය පැවැත්වූහ.

වතිකානුවේ ශාන්ත පීතර බැසිලිකාවට රැස්වූ දහස් සංඛ්‍යාත වන්දනා කරුවන් අමතා උන්වහන්සේ කියා සිටියේ අඳුර සහ ආලෝකය අතරින් ද ප්‍රේමය සහ වෛරය අතරින් ද තෝරා ගැනීමේ වරම සෑම කිතු බැතිමතකු ම සතු බවයි.

බැසිලිකාවෙන් බැහැරට උන්වහන්සේ වැඩියේ මල් කළඹ රැගත් දරුවන් දස දෙනකු පෙරටු කොට ගෙන.

ඒ ඉතාලි, පිලිපීන, ලෙබනන, කොන්ගෝ සහ පාප් වහන්සේ උපන් ආජන්ටිනාවෙන් ළමුන් දෙදෙනා බැගින්.

යේසුස් වහන්සේගේ උත්පත්ති ස්ථානය සේ ගැනෙන බෙත්ලෙහෙමේ දෙව් මැදුරටත් මහත් පිරිසක් රැස්ව සිටි අතර වාර්තාකරුවන් පවසන්නේ ඒ වසර ගණනාවකින් නගරයට එක් වූ විශාලතම ජනකාය බවයි.

මේ පුවතට සම්බන්ධ තවත් විස්තර