ඖෂධ සමාගමට එරෙහි පරීක්ෂණය 'අනතුරු ඇඟවීමක්'

  • 2014 මැයි 16
Image caption සිය නිෂ්පාදන රෝගීන්ට නිර්දේශ කිරීම පිණිස වෛද්‍යවරුන්ට අල්ලස් ලබා දුන් බවට සමාගමට චෝදනා

දූෂණ චෝදනා සම්බන්ධයෙන් බ්‍රිතාන්‍යයේ ග්ලැක්සෝස්මිත්ක්ලයින් ඖෂධ සමාගමට එරෙහිව ආරම්භ කරනු ලැබ තිබෙන පරීක්ෂණය අනෙක් බහුජාතික සමාගම්වලටද අනතුරු ඇඟවීමක් බව චීනයේ ෂින්හුවා නිල පුවත් සේවයේ කතුවැකියක සඳහන් වේ.

ග්ලැක්සෝස්මිත්ක්ලයින් සමාගමේ චීන ශාඛාවේ බරපතල අල්ලස් ජාලයක් සොයා ගත් බව පවසමින් චීන පොලිසිය එම සාක්ෂි නීතිපති දෙපාර්තමේන්තුව වෙත යොමු කොට තිබේ.

ඖෂධ සමාගමේ නිෂ්පාදන රෝගීන්ට නිර්දේශ කිරීම පිණිස වෛද්‍යවරුන්ට අල්ලස් ලබා දෙන මෙන් සිය නියෝජිතයන්ට බලපෑම් කළ බවට සමාගමේ චීන ශාඛාවේ කළමනාකරුට පොලිසියෙන් චෝදනා එල්ල වී තිබේ.