Dagaal ka dhacay magaalada Mowsil ee dalka Ciraaq

colaadda Ciraaq Lahaanshaha sawirka Reuters
Image caption Mowsil ayaa la doonayaa in laga saaro kooxda dolwadda Islaamka

Dagaal aad u kulul ayaa wuxuu galbeedka Mowsil ku dhex maray xoogagga xukuumadda Ciraaq iyo mintidiinta dawladda Islaamka.

Mid ka mid ah taliyeyaasha ciidamada Ciraaq ayaa u sheegay wakaaladda wararka ee AP in dagaalku uu ahaa kii ugu cuslaa, tan iyo markii la billaabay hawlgalka dib loogu qabsanayo qaybta galbeed ee magaaladaasi labo toddobaad ka hor.

Ciidanka Ciraaq oo ay dusha ka taageerayaan dayaaradaha dagaalka ee Maraykanka ayaa ku durkay oo dhowr boqol oo mitir u jirsaday dhismayaasha xukuumadda ee u dhow magaalada qadiimiga ah.

Hay'adda socdaalka dunida ayaa sheegaysa in ilaa 40,000 oo qof ay iminka ka soo carareen dagaalka ka socda galbeedka magaaladaasi.