QM oo digniintii ugu darnayd ka soo saartay gaajada

Abaaraha Lahaanshaha sawirka UNICEF
Image caption Dhibaatooyinka abaaraha

Madaxa hawlaha bani'aadminimada ee Qaramada Midoobay ayaa sheegay in dunidu ay wajahayso dhibaatadii bani'aadminimo ee ugu weynayd tan iyo markii la aasaasay Qaramada Midoobay 1945kii.

Stephen O'Brien ayaa u sheegay golaha amaanka in tiro ka badan 20 Malyan oo qof oo ku nool afar dal oo kala ah Suudaanta koofureed, Yemen, Soomaaliya iyo Nayjeeriya ay wajahayaan gaajo iyo macaluul, haddii aan la helin dadaal loo dhan yahay oo caalami ahna ay dad badan dhiman doonaan.

Image caption Abaaraha ka taagan Afrika iyo bariga dhexe

Mr O'brien wuxuu sheegay in baahida ugu daran ay ka jirto Yemen, halkaasoo 3 meelood oo meel dadka dalkaas ku nool ay khatar ku jiraan, ayadoo xaaladdana ay sii xumaanayso.

Waa digniintii ugu dambaysay ee ka soo baxda Qaramada Midoobay oo ah in aysan haysan imkaaniyaadkii ay wax uga qaban lahaayeen mushaakilkan sii darsanaya ee dalal badan ka jira.