Masar oo xaalad degdeg ah la geliyay

Madaxweynaha Masar Lahaanshaha sawirka AFP
Image caption Madaxweyne al-Sisi ayaa sheegay in xaaladda degdeg ah ay socon doonto 3 bilood

Madaxweynaha Masar, Cabdulfataax al-Sisi, ayaa ku dhawaaqay xaalad degdeg ah oo uu dalkiisa galayo muddo 3 bilood ah, tallaabadaasi oo ka dambeysay weerarradii shalay lagu qaaday laba kaniisadood oo ay leeyihiin Qibdhiyiinta, kuwaasoo ay ku dhinteen dad ka badan 45 qof.

Madaxweyne al-Sisi ayaa horay u amray in ciidanka milateriga Masar uu howlgalo ka sameeyo guud ahaan dalka oo dhan.

Ururka isku magacaabay dowladda Islaamiga ayaa sheegay in uu fuliyay weerarradaasi ka dhacay kaniisadaha ku yaalla magaalooyinka Tanta iyo Alexandria.

Masiixiyiinta laga tirada badan yihiin ee Masar ayaa waxaa horay loola beegsaday weerarro noocan ah.

Masiixiyiinta Masar oo ka qaxaya Sinai

Weerarradan ayaa kusoo beegmay xilli muhiim u ah taariikhda Masiixiyiinta oo ay xusaan markii nebi Ciise CS uu galay magaalada Qudus.

Baaderi weynaha Catholiga, Pope Francis, oo isu diyaarinaya in todobaadyada soo socda uu booqdo Masar si uu taageero ugu muujiyo Masiixiyiinta dalkaasi, ayaa cambaareeyay weerarrada.

Askar lagu dilay dalka Masar