Moon Jae-in oo ku guuleystay doorashada Kuuriyada Koonfureed

South Korea's president-elect Moon Jae-in celebrates at Gwanghwamun Square in Seoul, South Korea, May 9, 2017 Lahaanshaha sawirka Reuters
Image caption Moon Jae-in ayaa ku guuleystay doarashadii Kuuriyada Koonfureed

Codbixiyayaasha Kuuriyada Koonfureed ayaa si aqlabiyad ah ugu codeeyay Moon Jae-in inuu noqdo madaxweynaha xiga ee dalkaasi, sida ay sheegayaan qiyaasihii u dambeeyay.

Jae-in oo ah qareen u dooda arrimaha xuquuqda insaanka ayaa waxa uu doonayaa in uu kordhiyo xiriirka kala dhexeeya Kuuriyada Waqooyi, si ka duwan siyaasadda xukumadda hadda ka talisa dalkaasi taasoo gebi ahaanba xiriirka u jartay xukuumadda Pyongyang.

Wuxuu sidoo kale su'aal geliyay gantaalada difaaca ee uu Mareykanku ku rakibay dalkiisa.

Waxaa la sheegay inuu helay 41.1% codadkii la dhiibtay. Msuahrraxa ku soo xigay Hong Joon-Pyo ayaa helay 23.3%

Doorashadan ayaa si gaar ah isha loogu hayay, maadaama xilligan ay taagan tahay xiisadda Kuuriyada Waqooyi.

Lahaanshaha sawirka Getty Images
Lahaanshaha sawirka Reuters
Image caption Moon Jae-in oo u janjeera afkaarta bidixda ayaa ugu cadcad musharraxiinta tartamaya.

Bishii Maarso ayaa madaxweynihii hore ee dalkaasi Ms Park waxaa xukunka looga riday ka dib markii uu baarlamaanka dalkaasi kalsoonida kala laabtay, waxaana dhawaan lagu soo oogi doonaa dacwado ku aaddan laaluush qaadasho iyo ku takri fal awoodeed, eedeymahaasi oo ay beenisay.

Doorashadii Kuuriyada Koonfureed ka dhacday 2012 ayaa waxaa si dirqi ah Moon uga guulaysatay Park.

Lahaanshaha sawirka Reuters
Image caption Dhaqaalaha ayaa ka mid ah waxyaabaha ay aadka uga walaacsan yihiin shacabku