Sacuudiga oo raaligalin ka bixiyay tacsidii weerarka London

Xulka Sacuudiga ayaan ku biiran kan Australia oo daqiiqad aamusnaan ah u istaagay Lahaanshaha sawirka Reuters
Image caption Xulka Sacuudiga ayaan ku biiran kan Australia oo daqiiqad aamusnaan ah u istaagay

Masuuliyiinta kubadda cagta ee Sacuudiga ayaa raaligalin bixiyay ka dib markii xulkooda qaranku uu doortay in uusan ka qayb qaadanin daqiiqad aamusnaan ah oo lagu xusayay dadkii ay waxyeeladu ka soo gaartay weerarkii ka dhacay buundada magaalada London.

Ciyaaryahannada Australia ayaa garbaha is qabsaday iyagoo xushmad muujinaya ka hor intii aysan billaabanin Ciyaartii Khamiistii ka dhacday dalka Australia oo ka tirsanayd isreebreebka Koobka Adduunka.

Laakiin ciyaartoyga Sacuudiga ayaa kala istaagay boosaskii ay ka ciyaarilahaayeen ee garoonka.

Lahaanshaha sawirka Getty Images
Image caption Dhacdadan ayaa aad looga dhaliilay Australia

Xildhibaan Australian ah ayaa dhacdadaas ku tilmaamay wax laga xishoodo.

Xiriirka Kubadda Cagta ee Sacuudi Carabiya ayaa Jimcahan raaligalin bixiyay.