Sida looga ciiday Somaliland
Qalabkan aad haysato kuma ciyaari kartid maqalkan iyo muuqaalkan

Sida looga ciiday Somaliland

Sida uu ku soo waramayo weriyaha BBC ee Hargeysa, Axmed Saciid Cige, guud ahaan magaalooyinka , tuulooyinka iyo miyigaba si wen ayaa saaka looga ciiday ciidda soonfureed kadib markii dadweynuhu soo soomayeen bishii ramadaan .

Magaalada Hargeysa waxaa si aad loo qorxiyay suuqyada laga dukaameysto iyo goobaha dadku ku kulmaan . Waxaad ku arkeysaa dad wada faraxsan oo qaarkood daadaheynayaan caruurta oo dhar bilicsan loogu soo lebisay . Caruurta ayaa si gaar ah loogu iibiyay waxyaabaha ay ku ciyaaraan oo u badan qoryo iyo gawaadhi macmal ah oo guux sameynaya . Dumarka ayaa iyaguna qurxiya guryaha iyadoo macsuumadaha cuntada iyo qayilku badanyihiin maanlinta ciidda .

Madaxweyne xigeenka ahna ku-simaha madaxweynaha, Cabdiraxmaan Saylici, ayaa masjid-jaamaca weyn ee hargeysa dadweynaha kala qayb galay salaadda ciidda saaka isagoo u hambalyeeyay guud ahaan dadka muslimiinta .