19 qof oo ku dhimatay qarax ismiidaamin ah oo ka dhacay Dimiqshiq.

Lahaanshaha sawirka Sana via Reuters
Image caption Qarax Suuriya

Telefeeshinka Qaranka Suuriya ayaa sheegay in ugu yaraan 19 qof ay ku dhinteen tobanaan kalena ay ku dhaawacmeen kadib markii qof ismiidaamiyey uu bam iskula qarxiyey fagaaraha Taxriir ee magaalada Dimiqshiq.

Baabuurka qaraxa uu ku fuliyey Is-Qarxiyuhu ayaa mid ka mid ah saddex gaadhi oo ay Booliisku eryanayeen, labadii kale ee baabuur ee waxyaabaha qarxa siddey ayaa la qabtay oo la burburiyey.

Warka ayaa intaasi raacinaya in laamaha amaanka ee Suuriya ay ka hortageen argagixisada intii aanay gaadhin bartilmaameedkooda oo ahaa goobaha ugu mashquulka badan magaalada Dimishiq maalmihii ugu horreeyey ee shaqada ka dib fasixii Ciidul Fadriga.

Dagaalyahanada Suuriya oo "daacish ka qabsaday garoon" ku dhow Raqa

Duqayn loo gaystay masaajid Suuriya ku yaalla oo galaaftay nolosha 42 ruux

Muuqaalada ayaa muujinaya burburka gawaadhi daadsan banaanka hore masjid ku yaal deegaanka Baytara ee gawaadhida ku kala wareegto oo u dhow magaalada qaybta qadiimka ah.

Lahaanshaha sawirka Sana via Reuters
Image caption Qarax Suuriya