Trump oo ballan qaaday in taageero u fidinayo gobolka Texas

. Lahaanshaha sawirka Getty Images
Image caption .

Madaxweyne Donald Trump ayaa ballan qaaday in uu taageero buuxda u fidin doono gobolka Texa oo weli duufaanka Harvey ku fadhiyo.

Madaxweynaha oo u diyaar garoobaya in uu maanta oo Salaasa ah socdaal ku tago gobolka ayaa sheegay in badbaadinta nafta dadku tahay mudnaantiisa koobaad.

Waxaanu sheegay in uu dhamaan waxa awoodu u saamaxdo ee dhaqaale iyo qalab ah ba gacanta ka gelin doono maamulka gobolka.

Madaxweyne Trump wuxu sheegay in hawsha dib u dhiska gobolka duufaanku khasaaraha gaadhsiiyey noqon doonto mid dheer oo loo baahan doono in balaayiin Dollar golaha Congress-ku u ansixiyo sidii wax looga qaban lahaa masiibadaa dhacday.