Neymar oo ku biiray Paris St-Germain

Neymar Lahaanshaha sawirka ,
Image caption Neymar

Kooxda Paris St-Germain ayaa si rasmi ah ula soo wareegtay laacibka u dhashay Brazil ee Neymar, oo ay 200 oo milyan oo Pound ka siisatay kooxda Barcelona.

25 jirkan ayaa noqday laacibka ugu qaalisan caalamka, rikoorkaasi oo uu haystay Paul Pogba oo u dheela Manchester United.

Neymar ayaa sanadkii qaadan doona lacag dhan 40.7 milyan oo Pound ka hor inta aan canshuurta laga jarin.

Tababaraha kooxda Barca, Ernesto Valverde, ayaa Arbacadii u ogolaaday Neymar inuu mustaqbalkiisa go'aan ka gaaro, waxaana markaa ka dib bilowday hadal-haynta ah inuu ku biirayo kooxda PSG.

Neymar ayaa la sheegay inuu yahay laacibka keliya ee lacag ka badan tan mushaarkiisa ka hela xayaysiinta uu sameeyo.

Shirkadaha uu xayaysiinta u sameeyo ayaa waxaa ka mid ah Nike, Gillette iyo Panasoni.