Mr Blatter oo la doortay markii shanaad

Lahaanshaha sawirka Getty
Image caption Sepp Blatter

Waxaa doorashada madaxweyne ee xiriirka kubada cagta ee aduunka ku guulaystay Mr Blatter.

Amiir Cali bin al-Xuseen, oo u dhashay dalka Urdun, ayaa ahaa qofka keliya ee la tartamayay Mr Blatter, waxa uuna tartanka isaga haray wareegii labaad.

Waxa uu helay codod dhan 73 wareegii koowaad ee doorashada oo ka dhacday magaalada Zurich, taa oo keentay in wareeg labaad lala galo madaxweynaha talada hayay Sepp Blatter.

Mr Blatter ayaa xilkan loo doortay markii shanaad, iyadoo ay jirto fadeexo musuq oo hareysay hay’adaasi toddobaadkan.