16 June, 2010, 13:22 GMT 16:22 SGA

Canshuur yaan laga qaadin Eastleigh

Media Player

Waxaad u baahan tahay Flash player sax ah si aad u daarto Maqal ama Muuqaal.

Daar noocyada kale ee Maqal/muuqaal

Suuqa Eastleigh

Suuqa Eastleigh ee Soomalida wuxuu ka mid yahay suuqyada ugu wayn Nairobi oo looga imaado dalalka barigaAfrika

Maxkamadda Sare ee dalka Kenya ayaa amartey in si ku meel gaar ah ay Dowladda Hoose ee magaalada Nairobi u joojiso, qaadista canshuuraha iyo khidmadaha kale ee xayeysiinta ganacsiga ee xaafadda ay Soomaalidu ku badan tahay ee Eastleigh.

Go'aanka ayaa waxaa uu ka dambeeyey dacwad ay maxkamadda hor geeyeen guddiga ganacsatada xaafadda Eastleigh, iyagoo ku andacoonaya in dowladda hoose ay gabtey dayactirka waddooyinka, nadaafadda iyo adeegyada kale ee muhiimka ah.

Go'aanka maxkamadda ayaa Soomaalida ku dhaqan magaalada Nairobi ay si weyn ugu riyaaqeen, una arkeen guul u soo hoyatey.

Kusimaha Guddomiyaha Guddiga Ganacsatada Xaafadda Eastleigh, Xuseen Maxamed Aar oo ka mid ah xubnaha dacwadda ku soo oogey Dowladda Hoose ee magaalada Nairobi ayaa sheegey in xaafadda iyo goobaha ku hareereysan laga qaado canshuur kor u dhaafeysa ilaa 900 oo milyan oo shilinka Kenya ah, balse aan waxba looqu qaban adeegyada horumarinta ee xaafaddu u baahan tahay.

Maxkamadda Sare ayaa bishan 22keeda lagu wadaa inay dhegeysato jawaabta dowladda hoose ee ku aadan eedaymaha loo soo jeediyey, balse ganacsatada xaafadda Eastleigh ayaa filaya in maxkamaddu ay sii kordhin doonto muddada joojinta canshuur qaadista.

Ku-simaha Guddoomiyaha Guddiga Ganacsatada xaafadda Easteligh ee magaalada Nairobi, Xuseen Maxamed Aar waxaa uu wareysi uu dacwaddaasi ka dhanka ah dowlada hoose siiyey BBCda.

BBC navigation

BBC © 2014 BBC mas'uul kama aha waxa ku qoran boggaga aan BBC ahayn.

Boggan waxaa sida ugu wanaagsan loogu daalacan karaa qaab waqtiga la socda iyadoo la adeegsanayo waraaqaha qaabaysan ee (CSS). Adigoo awoodi doona in aadqaabka aad hadda isticmaalayso ku aragto bogga waxa ku qoran, hadana si buuxda ma kuugu muuqan doono. fadlan ka fakar in aad badasho barnaamijkaaga wax baaridda (browser) ama in aad kordhiso awoodda waraaqaha qaabaynta ee (CSS) hadii aad sidaa yeeli karto.