Shiinaha oo lacagtooda hoos u dhigay

Lahaanshaha sawirka AP
Image caption Dowlada Shiinaha ayaa hoos u dhigtay sarifka lacagteeda yuanka ee loo badalayo dollarka si ay u kordhiso alaabada ay dhoofiso.

Dowladda Shiinaha ayaa talaabo kale qaaday si ay u yareeyso qiimaha lacagta Shiinaha ee Yuan, arintan ayaa saamaysay suuqyada lacagaha iyo walaaca laga qabo dhaqaalaha Shiinaha oo ah kan labaad ee ugu wayn adduunka.

Qiimaha yuanka marka loo badalayo dollarka ayaa la dhimay, iyadoo ka dhigtay lacagta shiinaha qiimaheedii ugu yaraa afar sano.

Saamiyada suuqyada ee Yurub ayaa hoos u dhacay, iyadoo suuqyada Asiya ee hoos u dhacay ay qiimaha lacagihii kale ay hoos u dhigeen.

Talaadadii, iyadoo ka jawaabayso hoos u dhaca ku yimid alaabada uu shiinaha dhoofiyo, masuuliyiinta Shiinaha ayaa hoos u dhigay qiimaha lacagta ku dhawaad laba boqolkiiba.