Qalabkan aad haysato kuma ciyaari kartid maqalkan iyo muuqaalkan

Geelle: '...isku dhiig ayaan nahay'

Madaxweynaha Djibouti, ayaa sheegay in ciidankiisu ay yihiin kuwo ay isku dhiig yihiin isna af garanayaan Soomaalida.

Hawsha ay qaban doonaanna waxaa ka mid ah, ayuu yiri, tababbarka ciidanka Soomaaliya.

Mar wax laga weydiiyay lacagta faraha badan ee ku baxda AMISOM sow kuma habbonaateen ciidanka Soomaalida, ayuu Madaxweynuhu sheegay, in ay taasi habboonaan lahayd.

Mar wax laga weydiiyay la dagaallanka burcad badeedda, wuxuu Madaxweynuhu ku tilmaaamay, in aan burcad badeedda looga adkaan karin dagaal badda ah oo keliya.

Sida keliya ee wax looga qaban karaa waa in la helo, ayuu yiri, ciidan Soomaaliyeed oo berriga ku sugan.

Xalka Soomaaliya in uu yahay militeri iyo in uu yahay mar la weydiiyay, Madaxweynuhu wxuuu ku tilmaamay in siyaasadda iyo militerigu ay yihiin laba aan kala hari karin.

Siyaasadi ma shaqeyn karto meel aan ammaan ahayn, ayuu yiri.

Hawlgal militeri oo keliyahana xal laguma gaaro ayuu yiri.