Qalabkan aad haysato kuma ciyaari kartid maqalkan iyo muuqaalkan

Dhalashada gabar reer Boqor ah

Lahaanshaha sawirka AFP

Xaaska Amiir William ayaa dhashay gabar, sida uu ku dhawaaqay qasriga Kensington.

Ilmahan dhashay ayaa waxa uu noqon doonaa qofka afraad ee sugaya dhaxalka boqortooyada Britain.

Sida lagu sheegay hadal qoraal ah, waxaa Kate ay dhashay ilmaha saacaddu markay ahayd 08:34 wakhtiga London.

Amiir William ayaa goob joog ahaa xilliga ay foolanaysay xaaskiisa Catherine, waxaana warkaasi ka soo baxay aqalka qasriga Kensington lagu sheegay inay labadooduba caafimaad qabaan.

Horey ayaa Catherine loo geeyay isbitaalkan oo ay bishii July ee sanadkii 2013 ku dhashay wiilkeedi ugu horreeyay oo ah Amiir George.

Warka waxaa lagu sheegay in boqorada Britain Elizabeth II iyo ninkeeda, Amiir Harry iyo xubnaha kale ee qoyska reer boqor lagu wargeliyay gabadha ku soo biirtay qoyska, isla markaana ay ku faraxsan yihiin.