Dagaalka magaalada Gaalkacyo ee Puntland & Galmudug

Magaalada Gaalkacyo ee Soomaaliya, waxaa maanta barqadii ka bilowday dagaal, inkastoo shalay la gaaray heshiis nabadeed.

Waxaa dagaalamay ciidamada Puntland iyo kuwa Galmudug.

Tan iyo intii collaaddu bilaabatay aakhirkii bishii hore, magaalada waxaa ka qaxay dad gaaraya 40 kun qof.

Wararkii u dambeeyey, ayaanu ka waraysannay xaaladda iyo dagaalka maanta mas'uuliyiin ka tirsan Puntland iyo Galmudug, balse aan ku bilowno wariye madax banaan oo goob joog u ahaa dagaalkii maanta, Mohamed Jaamac Faarah.

Qalabkan aad haysato kuma ciyaari kartid maqalkan iyo muuqaalkan

Labada dhinaca ee Puntland iyo Galmudug, ayaa midba kan kale uu ku eedeeyay in uu dib u bilaabashada dagaalka uu mas'uul ka yahay.

Haddaba, waxaanu la xiriirnay Wasiirka Warfaafinta Puntland, Maxamuud Xasan Soo-cadde, oo nooga warramay xaaladda magaalada Gaalkacyo iyo cidda dagaalka bilowday?

Qalabkan aad haysato kuma ciyaari kartid maqalkan iyo muuqaalkan

Isla telefoonka Gaalkacyo, ayaanu kul xiriirnay Wasiirka Warfaafinta Gal-Muddug, oo aanu waydiiyey sababta dagaalku dib uga qarxay Gaalkacyo.

Qalabkan aad haysato kuma ciyaari kartid maqalkan iyo muuqaalkan

Wararka ugu dambeeyay ee naga soo gaaraya magaalada Gaalkacyo, ayaa sheegaya in in ay madaxwaynaha Puntland iyo Galmudug dib loo kulansiiyay oo ay mar kale heshiis ku gaareen in xabadda la joojiyo.