Weerar lagu qaaday xero qaxooti oo ku taalla Niger oo 22 askeri lagu dilay

Qariidadda dalka Niger
Image caption Qariidadda dalka Niger

Ugu yaraan 22 askeri ayaa lagu dilay weerar lagu qaaday xero qaxooti oo ku taalla dalka Niger.

Xerada la weeraray waxay ku taallaa xuduuda Niger ay la wadaagto dalka Mali, sida saraakiisha dalkaasi ay sheegayaan.

Ra'iisul wasaaraha Niger, Brigi Rafini oo ka hadlay TV-ga qaranka ee dalkaasi ka cambaareeyay weerarkaasi.

Dableyda waxa ay bartilmaameed sadeen xarun militari, sida uu sarkaal ku sugan goobta la weeraray uu u sheegay wakaaladda wararka ee AP.

Waqooyiga iyo Bartamaha Mali ayaan xasillooneyn afartii sano ee la soo dhaafay. Ciidamada Faransiiska ayaa dalkaasi u jooga inay meesha ka saaraan kooxaha jihaad-doonka ah.

seddax askeri oo kale ayaa weerarka ku dhaawacantay, ra'iisul wasaare Rafini waxa uu sheegay in tirada dhimashada ay kordhi karto.

Bishii lasoo dhaafay, laba qof oo qaxooti ah ayaa la dilay kaddib markii dabley ay weerareen xero ciidan.

Xeryaha qaxootiga ee ku yaalla xuduudda waxaa ku jira dad ka qaxay qalalaasaha dalka Mali oo Niger deris la ah.

Militariga dalka Niger waxay dagaal kula jiraan Boko Xaram oo dhowr jeer weerar ka geysatay dhanka koofurta ee dalkaasi. Dhanka galbeedkana waxaa dhibaato kaga haya Alqaacidada dalka Mali.

Mowduucyada la xiriira

Warar kale oo dheeraad ah oo la xiriira qodobkan