Itoobiya oo ku dhawaaqday xaalad degdeg ah

Banaanbaxyo rabshado wata ayaa aka dhacay gobolka Oromiya Lahaanshaha sawirka Reuters
Image caption Banaanbaxyo rabshado wata ayaa aka dhacay gobolka Oromiya

Xukuumadda Itoobiya ayaa ku dhawaaqday Lix bilood oo xaalad degdeg ah, ka dib muddo bilooyin ah oo ay socdeen banaanbaxyo rabshado wata oo xukuumadda looga soo hor jeedo, kuwaasoo ruxay gobolka dalkaas ugu weyn ee Oromiya.

Lahaanshaha sawirka Reuters
Image caption Dad ayaa dhintay istii ay socotay xaflad-dhaqameed ay Oromadu lahaayeen

Ugu yaraan 500 oo qof ayaa dhintay tan iyo markii ay banaanbaxyadu billowdeen November-tii kal hore. Dhawaan ayaa waxaa waddanka soo maray isku dhacyo todobaad socday, kuwaasoo u dhaxeeyey booliska iyo dad mudaaharaadayey, ka dib markii 55 qof ay ku dhinteen isbuurasho dhacday intii ay socotay xaflad-dhaqameed ay dadka Oromadu lahaayeen.

Lahaanshaha sawirka Reuters
Image caption Ciidanka amaanka ayaa lagu eedeeyey inay awood xad-dhaaf ah adeegsadeen

Dadka banaanbaxayey ayaa ku eedeeyey ciidanka amaanka inay sababeen dhimashada, waxayna bartilmaameedsadeen shirkadaha shisheeye iyo dhismayaasha iyo gaadiidka xukuumadda intii ay banaanbaxyadu socdeen.

Wasiirka warfaafinta ayaa BBC u sheegay inay ka shaqaynayaan faahfaahinta xaaladda degdegta ah ee dalka lagu soo rogay.